У Драгічыне адбыўся выбух у шматпавярховым доме. Шэсць кватэр пашкоджана

У 16.49 ў Драгічынскае раённае падраздзяленне МНС паступіла паведамленне аб выбуху ў 5-павярховым шматкватэрным жылым доме. Пра гэта паведамляе прэс-служба ведамства.

Паводле папярэдняй інфармацыі, выбух газапаветранай сумесі без наступнага гарэння адбыўся пры правядзенні работ па мантажы нацяжной столі.

У выніку выбуху пашкоджаны 6 кватэр. У бальніцу пасля здарэння былі дастаўлены тры чалавекі: двое рабочых і гаспадыня адной з кватэр. Шпіталізаваны ўсе трое. Акрамя таго, шпіталізавана дзіця, родныя якога звярнуліся ў бальніцу пасля здарэння самастойна.