Дзень народзінаў Багдановіча, Рознакаляровы Сусвет, Інсталяцыя #Безцукерак, Забег Санта Клаўсаў, Творчы вечар Познера – афіша «Звязды» з 9 па 16 снежня.
Дзе: Літаратурны музей ім. М. Багдановіча, г. Мінск, вул. Багдановіча, 7а
Калі: 9 снежня
Колькі каштуе: бясплатна
“Хто мы такія?
Толькі падарожныя, – папутнікі сярод нябёс.
Нашто ж на зямлі
Сваркі і звадкі, боль і горыч,
Калі ўсе мы разам ляцім
Да зор?”
М. Багдановіч
18:00 – адкрыццё выставы «КП-2019» і куратарская экскурсія
19:00 – музычная праграма Пятра Клюева на вершы беларускіх паэтаў
20:00 – ускладанне кветак да помніка Максіму Багдановічу (ля Опернага тэатра)
Тэлефон для даведак: (8 017) 334-42-69.
Дзе: Свет класічнай музыкі, г. Мінск, вул. Кірыла і Мяфодзія, 8
Калі: 9, 15 снежня, 16:00
Колькі каштуе: 12 BYN, увесь цыкл — 60 BYN
Выдатная магчымасць паглыбіць свае веды — наведаць гутаркі аб класічнай музыцы. Крутыя музыказнаўцы падзеляцца сваімі знаходкамі і назіраннямі. Вы зможаце яшчэ лепш зразумець і танчэй адчуць знакамітыя і незнаёмыя музычныя тэмы.
Вас чакаюць сустрэчы з самымі незвычайнымі людзьмі ў галіне культуры, якія распавядуць вам аб глыбокіх і ў той жа час цікавых таямніцах музычнага мастацтва.
Больш падрабязна пра зніжкі і абанементы:+375 29 776 20 92 (Арцём), info@artgrand.by.
Дзе: Планетарый, г. Мінск, вул. Фрунзе, 2
Калі: з 8 снежня
Колькі каштуе: 4 BYN – дзеці, 4,8 BYN – дарослыя
Фільм створаны студыяй Маскоўскага планетарыя і распавядае пра ўсехвалевую астраномію. Менавіта яна адкрыла людзям Сусвет як гіганцкую вечна зменлівую карціну, размаляваную нябачанымі кветкамі і адценнямі. І ў гэтым велічным выглядзе захаваная ўся гісторыя светабудовы.
Стваральнікі фільма хацелі паказаць, што чалавечае вока здольна адрозніваць толькі адну грань Сусвету. Аднак дзякуючы гэтаму фільму можна здзейсніць прарыў у невядомае і даведацца, як выглядае неба ў розных дыяпазонах электрамагнітнага спектру – у інфрачырвоным, ультрафіялетавым, рэнтгенаўскім і гама-выпраменьванні.
Гледачы ўбачаць тое, што раней было ўтоена прыродай ад нашых вачэй, але аказалася незвычайна прыгожа. На купале-экране паўстане маляўнічы свет, запоўнены нябачным выпраменьваннем. Можна будзе пабываць унутры туманнасцяў, адкрыць новыя зоркі і унікальныя аб'екты, палюбавацца неверагодным зачараваннем газапылавых аблокаў і сустрэцца з самымі энергетычна магутнымі аб'ектамі ў космасе. Фільм пераверне ўяўленні аб Сусвету, які раскрыецца перад вамі недаступнымі раней гранямі ва ўсёй сваёй прыгажосці і прывабнасці.
У канцы – экскурсія па зорным небе.
Дзе: Мастацкі музей, г. Мінск, вул. Леніна, 20
Калі: 11 снежня, 14:00
Колькі каштуе: для дарослых – 8 BYN, для дзяцей і студэнтаў (дзённай формы навучання) – 4 BYN
Зіма – ідэальная пара правесці час у Нацыянальным мастацкім музеі!
Дачныя клопаты, сезон пікнікоў і летняга адпачынку ўжо прайшлі, а цікавыя прагулкі з куратарам па музею – выдатная нагода прыйсці ў госці ў Мастацкі.
Падчас цыкла куратарскіх экскурсій «Зімовы сон» музей прапануе пазнаёміцца бліжэй з самай вялікай калекцыяй беларускага і замежнага мастацтва ў нашай краіне, убачыць ужо знаёмыя творы з іншага ракурсу, пагутарыць з аўтарамі выставачных праектаў і правесці час у добрай кампаніі аднадумцаў.
Праграма зімовых экскурсій з куратарам ўключае:
Тэлефон для даведак: +375 17 327 71 63
Дзе: Галерэя ДК, г. Мінск, вул. Герцэна, 2а
Калі: да 15 студеня 2020, серада-субота: 12:00 – 20:00, нядзеля: 12:00 – 18:00, панядзелак, аўторак: выхадны
Колькі каштуе: 4 BYN (палова сродкаў, выручаных за продаж квіткоў, будзе перададзена Цэнтру «Ніткі Дружбы»)
#Безцукерак. Адкрыццё красамоўнай інсталяцыі ў падтрымку дзяцей-сірот
Платформа Імёны запусціла фандрайзінгавую кампанію ў падтрымку Цэнтра дапамогі дзецям-сіротам «Ніткі Дружбы». Яна стартавала з адкрыцця інсталяцыі #Безцукерак ў Галерэі ДК, для якой было сабрана 15 000 абгортак ад цукерак і тры шчырыя гісторыі ад выпускнікоў дзіцячых дамоў.
Напярэдадні Новага года дзеці ў інтэрнатных установах традыцыйна атрымліваюць кілаграмы салодкіх падарункаў. Мы ўсе разумеем, што гэта не зусім тое, пра што яны мараць. Каб яны прачнуліся 1 студзеня ў сваёй сям'і — гэтага мы не ў сілах падарыць, але ёсць шанец знайсці дзіцяці-сіраце блізкага чалавека.
Платформа Імёны прапануе змяніць звыклы ход думак і задумацца над тым, што знайсці блізкага чалавека для дзіцяці ўсё ж магчыма. Пра гэта фандрайзінгавая кампанія #Безцукерак, якая праходзіць у падтрымку Цэнтра дапамогі дзецям-сіротам «Ніткі Дружбы». Гэта адзіная служба ў краіне, якая падбірае, навучае і суправаджае патранатных выхавальнікаў.
«Мы жывем у неабыякавым грамадстве, якое гатова падтрымаць у цяжкую хвіліну і не пакідае дзяцей у дзіцячых дамах па-за ўвагай. Так склалася, што на Новы год мы традыцыйна віншуем дзяцей-сірот і дзяцей, якія засталіся без апекі бацькоў, салодкімі падарункамі. Мы так прывыклі. Гэта выдатная традыцыя чараўніцтва і добрая векавая каштоўнасць, якую ніхто не збіраецца парушаць. Але ніводны падарунак на Новы год не заменіць сапраўдныя, моцныя адносіны. Зараз у Беларусі існуе шмат магчымасцяў для таго, каб прыняць дзіця ў сваю сям'ю, у тым ліку прафесійнае бацькоўства: прыёмныя сем'і, дзіцячыя дамы сямейнага тыпу, калі бацькі, якія прынялі на выхаванне дзяцей-сірот, атрымліваюць зарплату. А для тых, хто не гатовы да такога адказнага кроку, — ёсць выдатная форма дапамогі, патранатнае выхаванне. Патранатныя выхавальнікі не атрымліваюць грошай, але яны могуць наведваць дзіця ў дзіцячым доме, запрашаць да сябе ў госці на канікулы, выхадныя і святочныя дні.
Дапамагчы можна і матэрыяльна: калі замест чарговага падарункавага набору цукерак на Новы год для дзіцяці-сіроты вы падтрымаеце праект «Ніткі Дружбы» на платформе Імёны, то значна больш падлеткаў з дзіцячых дамоў змогуць знайсці свайго патранатнага выхавальніка», — кажа Арцём Галовій, заснавальнік цэнтра «Ніткі Дружбы».
Убачыць інсталяцыю #Безцукерак і пачуць рэальныя гісторыі выпускнікоў дзіцячых дамоў можна ў Галерэі ДК да 15 студзеня. Палова сродкаў, выручаных за продаж квіткоў, будзе перададзена Цэнтру «Ніткі Дружбы».
Дзе: Мінскі Міжнародны адукацыйны цэнтр імя Ёханэса Рау (IBB), г. Мінск, пр-т Газеты Праўда, 11
Калі: з 8 снежня
Колькі каштуе: бясплатна
Гэтай зімой панадворак Мінскага міжнароднага адукацыйнага цэнтра імя Ё. Рау (IBB Minsk) ператворыцца ў невялікі, але ўтульны калядны IBB Weihnachtsterrasse.
Кожную нядзелю снежня (c 12:00 да 19:00) у IBB Minsk гасцей чакаюць: глінтвейн, калядны стрыт-фуд для дарослых і дзяцей, святочная музыка, нямецкі Санта (Вайнахтсман) і іншыя прыемныя сюрпрызы. Нямецкі Санта-Клаўс раскажа пра тое, як святкуюць Каляды і Новы год у Германіі. Будзе працаваць невялікі калядны маркет, дзе ўсе жадаючыя змогуць купіць навагоднія падарункі і сувеніры. Для дарослых гасцей Санта-Клаўс правядзе майстар-класы па прыгатаванні грогу.
Таксама на IBB Weihnachtsterrasse будзе працаваць калядная пошта. Дарослыя і дзеці змогуць напісаць пра тое, як яны паводзілі сябе ў 2019 годзе, і атрымаць ліст ад Вайнахтсмана з Германіі.
Дзе: Гандлёвы цэнтр «Еўраопт», г. Мінск, вул. Казіміраўская, 6
Калі: па 16 снежня, з 10:00 – 21:00
Колькі каштуе: для дарослых – 5,5 BYN, для дзяцей – 5 BYN, да 3-х гадоў – бясплатна
Выстава «Аквафорум-2019» – сапраўдны маленькі куток жывой прыроды. Наведаўшы гэтае месца, можна ўбачыць і спазнаць гэты дзіўны падводны свет. Гледзячы на рыб, як вядома, чалавек супакойваецца, паляпшаецца яго самаадчуванне і настрой.
У больш чым 100 акварыумах і тэрарыумах вы зможаце ўбачыць і палюбавацца зачаравальнымі падводнымі жыхарамі, прывезенымі з розных частак нашай планеты.
Вас чакае знаёмства з самымі сапраўднымі крыважэрнымі піраннямі, велізарнымі вусатымі самамі, прэснаводнымі акуламі, афрыканскімі цыхлідамі неверагодных трапічных афарбовак і нават з усходняй рыбай цмокам — араванай, якая лічыцца сімвалам багацця і своеасаблівым талісманам, і многімі іншымі не менш цікавымі прадстаўнікамі акварыўмнага свету!
У праграме:
Для самых маленькіх гасцей выставы:
А тыя, хто яшчэ падумвае завесці рыбак, змогуць бясплатна атрымаць кансультацыі ў спецыялістаў па доглядзе за акварыумам і набыць акварыўмных рыбак (па выхадных днях).
Больш падрабязна па тэлефоне: +375 29 120 15 00, akvaforum.by
Дзе: Галерэя ДК, г. Мінск, вул. Герцэна, 2а
Калі: 11 – 15 снежня
Колькі каштуе: 7 BYN, льготны – 5 BYN
На выставе «Усё табе скажу» Крысцiна Нарвілайтэ прадстаўляе вельмі асабісты і шматслойны сусвет сваёй творчасці. К. Нарвілайтэ скончыла аддзяленне графікі ў Вільнюскай акадэміі мастацтваў, але пашырыла традыцыйную мову графікі за межы паперы. Яна стварае аб'екты, ілюструе кнігі, стварае аўтарскія кнігі, праводзіць адукацыйныя заняткі па графіцы ў дзіцячай бальніцы «Santaros» (у бальніцы працуе валанцёркай ужо дзесяць гадоў), праводзіць канцэрты і вечары паэзіі ў сваёй галерэі.
У гэтай экспазіцыі можна пабачыць прадстаўленыя ў сучасным выглядзе традыцыйныя лінагравюры, жывапіс і мастацкія аб'екты — скрынкі памяці. «На гэтую выставу паўплывалі Ліст, Шуман, Накас, Рым, Неапаль і, канечне, мая дачка Лаура (у аб'ектах выставы будуць скарыстаныя цацкі Лауры, якія я захоўвала 10 гадоў). А таксама планеты, неба, галаўны боль, цацкі і вулканы. Свае працы я б ахарактарызавала як пробліскі святла, эмоцый і ўспамінаў праз цемру забыцця. Працы — абсалютна рознага фармату, ад зусім дробных да вялікіх. Таксама выкарыстоўваюцца розныя матэрыялы: цэмент, папера, палатно, дрэва, метал, аэразольныя фарбы, пластык, лінагравюра, тканіна. А пра ўсё астатняе раскажу ўжо толькі на выставе», — жартаўліва дадае мастачка.
У гэтым годзе працы К. Нарвілайтэ-Генюшэне прымалі ўдзел у выставах у ЗША, Канадзе, Германіі, Партугаліі, Нарвегіі, мастацкім кірмашы «ArtVilnius’19» і інш.
Дзе: Парк Перамогі, г. Мінск, пр-т Пераможцаў, 59
Калі: 14 снежня, 10:00
Колькі каштуе: удзел ад 25 BYN
Чаму Санты, а не Дзяды Марозы? Ды таму, што Дзяды Маразы не бегаюць, а павольна ходзяць. У Еўропе ўжо які год у снежні ў многіх краінах праходзяць падобныя забегі.
Рэгістрацыя і ўмовы ўдзелу, трасу, што ўваходзіць у стартавы пакет, чытайце на сайце арганізатараў.⠀
Што вам трэба зрабіць?
Вас запрашаюць прабегчы свае 500 м (дзіцячы), 1.5, 3, 5, 10 ці 15 км Санта Клаўсаў, Міс і Місіс Сант, Эльфаў, Снегавікоў а гэтак жа бадзёрых Дзядоў Марозаў і чароўных Снягурак! Яны вельмі добра ўпішуцца ў гэтае свята.
Дзе: Палац Рэспублікі, г. Мінск, пл. Кастрычніцкая, 1
Калі: 15 снежня, 18:00
Колькі каштуе: ад 68 BYN
Бліскучы суразмоўца, мысліцель і аналітык, інтэлектуал з філасофскім поглядам на свет гатовы абмеркаваць любое пытанне — ад палітычных расстановак да любові да бейсболу. Уладзімір Познер выступіць перад мінскімі гледачамі 15 снежня.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».