Вы тут

Коласаўскі тэатр падрыхтаваў містычную прэм'еру паводле апавядання Яна Баршчэўскага


Нацыянальны акадэмічны драматычны тэатр імя Якуба Коласа 11 снежня на камернай сцэне пакажа прэм'еру спектакля "Ваўкалак" паводле аднайменнага апавядання з кнігі Яна Баршчэўскага "Шляхціц Завальня, або Беларусь у фантастычных апавяданнях", паведамілі БЕЛТА ў тэатры.


Малады рэжысёр Ірына Тышкевіч узяла ў якасці сюжэту пастаноўкі апавяданне "Ваўкалак", таму што ўбачыла ў ім вельмі спрэчную маральную тэму - помсту. Да стварэння спектакля далучыліся мастак Юлія Карымава, харэограф Дзіяна Юрчанка і артысты-коласаўцы, каб паказаць уздзеянне гэтага пачуцця на чалавека.

"Няма людзям спакою, калі шчаслівы іншыя. Марка і Алена кахаюць адзін аднаго, але з'яўляецца Ілля, падгаворвае дудара Арцёма і разбурае прыгожую гісторыю сваім жаданнем валодаць упадабанай жанчынай. Смутак, моцная крыўда спараджаюць у Марку жаданне помсціць. І вочы яго пачынаюць гарэць па-воўчы, людзі палохаюцца. Марка ператвараецца ў ваўкалака, які бегае па лясах і можа толькі наводзіць жах на былых аднавяскоўцаў", - падзяліліся ў тэатры.

У пастаноўцы заняты віцебскія артысты: Ульяна Ацясава, Арцём Герак, Раіса Грыбовіч, Святлана Жукоўская, Дзмітрый Каваленка, Паліна Крашэўская, Юлія Крашэўская, Пятро Ламан, Аляксей Стома і Юрась Цвірка.

У спектаклі артысты актыўна выкарыстоўваюць беларускі фальклор, прыказкі, прымаўкі, замовы, народныя аўтэнтычныя песні, у тым ліку ў апрацоўцы вядомага этна-трыа "Троіца".

Прэв'ю: teleprogramma.pro

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.