Вы тут

МВФ і Украіна дамовіліся аб новай дапамозе на 5,5 млрд долараў


Украіна і Міжнародны валютны фонд (МВФ) дамовіліся аб новай праграме супрацоўніцтва. Дамоўленасць дасягнута па выніках тэлефоннай размовы, якая адбылася ў мінулую суботу 7 снежня паміж прэзідэнтам краіны Уладзімірам Зяленскі і кіраўніком МВФ Крысталінай Георгіевай. Пра гэта паведамляе прэс-служба прэзідэнта Украіны, інфармацыю пацвярджае прэс-служба МВФ.


"Я запэўніла прэзідэнта ў гатоўнасці МВФ падтрымаць палітычную праграму ўладаў па падтрыманні макраэканамічнай стабільнасці і падняць эканоміку на шлях больш высокага, устойлівага і ўсёабдымнага росту, у тым ліку з дапамогай новай праграмы, якая падтрымліваецца МВФ", - прыводзяцца ў паведамленні МВФ словы Георгіевай.

"Супрацоўнікі МВФ дасягнулі пагаднення з уладамі адносна палітыкі, якая ляжыць у аснове новага трохгадовага пагаднення на суму 4 млрд спецыяльных правоў запазычання (каля 5,5 млрд долараў) у рамках механізму пашыранага фінансавання", - дадала яна.

Кіеў разлічваў да канца года заключыць пагадненне аб новым пакеце дапамогі ад МВФ. Для атрымання дапамогі Міжнародны валютны фонд вылучаў Кіеву шэраг умоў. Сярод іх - актыўныя крокі па барацьбе з карупцыяй у краіне і адмена мараторыя на продаж сельскагаспадарчых зямель.

Выбар рэдакцыі

Культура

Кастусь Качан: Калі б не стаў мастаком, гэта было б не жыццё, а пакуты

Кастусь Качан: Калі б не стаў мастаком, гэта было б не жыццё, а пакуты

Ён рыхтуецца прадставіць выстаўку ў Нацыянальным мастацкім музеі Беларусі.

Грамадства

Мінпрацы — пра зарплаты бюджэтнікаў

Мінпрацы — пра зарплаты бюджэтнікаў

Спецыялісты Міністэрства працы і сацыяльнай абароны ў анлайн-рэжыме адказалі на некаторыя пытанні, звязаныя са змяненнем умоў аплаты працы работнікаў бюджэтных арганізацый з 1 студзеня 2020 года.

Спорт

Малады батутыст Іван Літвіновіч: Я зламаў сківіцу сваім жа каленам

Малады батутыст Іван Літвіновіч: Я зламаў сківіцу сваім жа каленам

Як хлопец з Вілейкі абыгрывае славутых кітайцаў.