Кірмаш вакансій «Работа тут!» пройдзе 12 снежня ў Мінску

Кірмаш вакансій «Работа тут!» пройдзе 12 снежня з 10 да 13 гадзін у Культурна-спартыўным цэнтры УП «Мінскае аддзяленне Беларускай чыгункі» (Мінск, вул. Чкалава, 7). Пра гэта «Звяздзе» паведамілі ў камітэце па працы, занятасці і сацыяльнай абароне Мінгарвыканкама.

Падчас мерапрыемства плануюцца:

• суразмоўі з наймальнікамі;
• кансультацыі спецыялістаў па пытаннях працаўладкавання, прафадукацыі, арганізацыі прадпрымальніцкай дзейнасці;
• работа секцый для мэтавых груп (грамадзяне, якія шукаюць працу, у тым ліку моладзь; грамадзяне з абмежаванымі магчымасцямі; вучні і г. д.).

Да месца правядзення кірмашу (прыпынак «Гасцініца "Спадарожнік"») можна даехаць на грамадскім транспарце: аўтобусамі 4, 4д, 10, 24, 32с (электробус), 40, 45, 47с, 53, 73, 100, 101, 111, 163, 191, 198э, 908; тралейбусамі 19, 27, 43, 51, 59, 63 (электробус), а таксама маршрутнымі таксі.

Дзмітрый СУГАНЯЕЎ