Пра гэта паведамляюць на сайце МУС.
Так, у мэтах папулярызацыі службы ў органах унутраных спраў сярод цывільнай моладзі Дзень адкрытых дзвярэй пачнецца 7 снежня ў 10.00 на базе Першамайскага РУУС г. Мінска (вул. Бялінскага, 10).
На тэрыторыі раённага ўпраўлення будзе арганізавана выстава спецыяльных сродкаў і агнястрэльнай зброі, якія стаяць на ўзбраенні ў органах унутраных спраў, а таксама спецыяльнага службовага транспарту, які штодня выкарыстоўваюць праваахоўнікі. Таксама для ўсіх ахвотных будзе арганізавана экскурсія па Першамайскім РУУС.
У актавай зале перад школьнікамі выступяць кіраўнікі розных службаў органаў унутраных спраў і раскажуць пра спецыфіку сваёй працы. А прадстаўнікі Акадэміі Міністэрства ўнутраных спраў раскажуць пра асаблівасці ўступнай кампаніі.
Таксама 7 снежня вучняў выпускных класаў устаноў адукацыі Брэста запрашаюць прыняць удзел у Дні адкрытых дзвярэй, які пройдзе з 11.00 да 12.30 ва УУС Брэсцкага аблвыканкама (вул. Камуністычная, 28).
На пытанні будучых абітурыентаў кампетэнтна адкажуць прадстаўнікі Акадэмія МУС, Следчага камітэта Рэспублікі Беларусь па Брэсцкай вобласці, Магілёўскага інстытута МУС, УУС аблвыканкама.
Прысутным прадэманструюць прафарыентацыйныя відэафільмы, прадстаўнікі ўстаноў адукацыі падрабязна раскажуць пра патрабаванні, што прад'яўляюцца да абітурыентаў пры паступленні ў ВНУ. Кожны ахвотны зможа азнаёміцца з выставай зброі АМАПу.
Сяргей РАСОЛЬКА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.