Вы тут

Беларусь атрымае 90 мільёнаў долараў на цеплавую мадэрнізацыю жылля


Беларусь атрымае 90 мільёнаў долараў на будаўніцтва кацельных і цеплавую мадэрнізацыю жылля


У найбліжэйшыя пяць гадоў у краіне плануецца пабудаваць новыя ці рэканструяваць дзейныя кацельныя для выкарыстання драўнянага паліва — у праекце ўдзельнічаюць 34 арганізацыі.

У Гродзенскай і Магілёўскай абласцях таксама пройдзе комплексная цеплавая мадэрнізацыя каля 250 жылых дамоў са згоды і з прыцягненнем сродкаў насельніцтва. Пра гэта паведаміў старшыня Дзяржаўнага камітэта па стандартызацыі Беларусі Валянцін ТАТАРЫЦКІ пасля падпісання пагаднення аб пазыцы з Міжнародным банкам рэканструкцыі і развіцця.

Як растлумачыў Валянцін Татарыцкі, для ўдзелу ў праекце абраны жылы фонд з цепласпажываннем на ўзроўні 210 кВт*г/год. Па выніках праекту плануецца знізіць яго да 90 кВт*г/год. Палову затрат па мадэрнізацыі бярэ на сябе дзяржава, палову — домаўладанне.

«Гэта другое пагадненне, якое падпісвае Беларусь у рамках праекта «Пашырэнне ўстойлівага энергакарыстання». Яно дапаможа значна прасунуцца ў сферы энергазберажэння, вырашаць экалагічныя пытанні, сацыяльныя праблемы ў сферы ЖКГ», — адзначыў старшыня камітэта.

Кіраўнік прадстаўніцтва Сусветнага банка ў Беларусі Аляксандр КРЭМЕР падкрэсліў, што ўпершыню галоўныя рашэнні па праекце прымаюць не фінансавыя арганізацыі і нават не ўлада — вырашальнае слова за беларусамі, уласнікамі кватэр.

«Для Міжнароднага банка праект асаблівы не толькі ў эканамічным сэнсе — бо краіна будзе эканоміць грошы на імпарце газу, — але і на сусветным узроўні: Беларусь зможа зрабіць унёсак у скарачэнне выкідаў парніковых газаў», — сказаў Аляксандр Крэмер. Ён паведаміў, што бакі рыхтуюць чарговы праект — па цеплавой мадэрнізацыі ўжо грамадскіх будынкаў.

Праект «Пашырэнне ўстойлівага энергакарыстання» ў Беларусі рэалізуецца за кошт пазык Еўрапейскага банка рэканструкцыі і развіцця і Міжнароднага банка рэканструкцыі і развіцця пры падтрымцы Глабальнага экалагічнага фонду.

Варвара МАРОЗАВА

Фота minsknews.by

Выбар рэдакцыі

Спорт

Малады батутыст Іван Літвіновіч: Я зламаў сківіцу сваім жа каленам

Малады батутыст Іван Літвіновіч: Я зламаў сківіцу сваім жа каленам

Як хлопец з Вілейкі абыгрывае славутых кітайцаў.

Грамадства

Ці можна выхоўваць дзіця ў сацыяльных сетках?

Ці можна выхоўваць дзіця ў сацыяльных сетках?

Анлайн-жыццё падлеткаў усё часцей становіцца прычынай сямейных канфліктаў.

Культура

Глеб Отчык: З прапановамі прыходзіць толькі 5 % мастакоў, а астатнія 95 % кажуць «Дай»

Глеб Отчык: З прапановамі прыходзіць толькі 5 % мастакоў, а астатнія 95 % кажуць «Дай»

Ужо месяц Саюз мастакоў, у які ўваходзіць больш за тысячу сяброў, дзейнічае пад кіраўніцтвам новага старшыні

Грамадства

Качанава: Сустрэчы з працоўнымі калектывамі - гэта магчымасць рэальна ацаніць сітуацыю на месцах

Качанава: Сустрэчы з працоўнымі калектывамі - гэта магчымасць рэальна ацаніць сітуацыю на месцах

Старшыня Савета Рэспублікі Наталля Качанава наведала ААТ «Кандытарская фабрыка «Слодыч».