Вы тут

Беларускі Дзед Мароз узначаліў топ-10 чараўнікоў СНД


Перад пачаткам зімовага сезону 2019/20 расійскі турыстычны партал ТурСтат апублікаваў рэйтынг самых папулярных для турыстаў і мясцовых жыхароў Дзедаў Марозаў у дзяржавах—удзельніцах СНД і Грузіі. Як паведамляецца, гэты спіс складзены па выніках аналізу леташняй запатрабаванасці рэзідэнцый Дзядоў.


У першую дзясятку ўвайшлі Дзед Мароз (Беларусь), Аяз Ата (Казахстан), Шахта Баба (Азербайджан), Каханд Папа (Арменія), Карбоба (Узбекістан), Мош Крэчун (Малдова), Аяз Ата (Кыргызстан), Бабоі Барфі (Таджыкістан), Аяз Баба (Туркменістан) і Тоўліс Папа (Грузія).

Між іншым, лідар у рэйтынгу — беларускі Дзед Мароз — разам з унучкай Снягуркай прымае ў сваёй галоўнай рэзідэнцыі (яна адкрылася ў 2003 годзе) у Белавежскай пушчы каля 150 тысяч турыстаў штогод, а ў 2013-м тут сустрэлі ўжо мільённага госця. 

Сёлета навагодні сезон у белавежскай сядзібе адкрыецца 7 снежня, у праграме — парад-але і флэшмоб Дзедаў Марозаў, у тым ліку замежных — з Польшчы, Украіны, Літвы і Расіі, фестывалі творчасці «Цяпло зімовай казкі» і «Агні зімы», «Цудафікацыя» (візуалізацыя цудаў Дзеда Мароза) і ўрачыстае запальванне першых навагодніх агнёў у краіне.

Вікторыя ЗАХАРАВА

Фота npbp.by

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.