Вы тут

Налета ў сталіцы запрацуе сэрвіс аплаты праезду карткамі ў наземным транспарце


Налета ў сталіцы запрацуе сэрвіс аплаты праезду карткамі ў наземным транспарце. Пра гэта паведаміла выканаўчы дырэктар БПС-Ашчадбанка Марына АСІПОЎСКАЯ на Мінскім транспартным форуме.


— Тэхналогія ўжо паспяхова пратэсціравана на шостым трамвайным маршруце, які звязвае Серабранку і Зялёны Луг. Кожны дзень такім чынам ажыццяўляюцца тысячы паездак. Гэты вынік дазволіў максімальна падрыхтавацца да маштабнага запуску сістэмы аплаты праезду бескантактавымі банкаўскімі карткамі. Мы пераканаліся, што такі спосаб карыстаецца вялікім попытам у пасажыраў, — адзначыла выканаўчы дырэктар БПС-Ашчадбанка.

Сэрвіс падтрымлівае плацежныя сістэмы Vіsа, Mаstеrсаrd і Белкарт-Mаеstrо з бескантактавым інтэрфейсам. Таксама для разлікаў падыдуць смартфон, «разумныя» гадзіннікі і іншыя прылады з падтрымкай тэхналогіі NFС. Пры гэтым кошт праезду застанецца такі ж, як і пры куплі папяровага талона. Для аплаты трэба будзе паднесці картку да валідатара, дачакацца гукавога сігналу і тэкставага паведамлення. Вывучыць гісторыю паездак і расходаў, удакладніць статус банкаўскай карткі і атрымаць электронны карт-чэк можна будзе ў асабістым кабінеце пасажыра на сайце сістэмы Рауbусаrd.

Такая тэхналогія ўжо паспяхова працуе ў мінскім метро і цягніках гарадскіх ліній. Пасажыры чыгункі толькі ў кастрычніку аплацілі такім спосабам на 50 працэнтаў
больш перамяшчэнняў, чым у верасні. Усяго ж банкаўскімі карткамі кожны месяц аплачваецца каля двух мільёнаў паездак на розных відах грамадскага транспарту. Услед за сталіцай новаўвядзенні могуць запусціць і ў рэгіёнах.

Дар'я ШЛАПАКОВА

Прэв'ю: minsknews.by

Выбар рэдакцыі

Грамадства

Без памылак нельга рухацца наперад, або Чаму попыт i прапанова пакуль не заўсёды супадаюць

Без памылак нельга рухацца наперад, або Чаму попыт i прапанова пакуль не заўсёды супадаюць

Давайце разам прыгадаем свае першыя крокi ў школе. Што кажа дзецям настаўнiк?

Спорт

Кiнуць выклiк лёсу. Чым жыве паралiмпiйскi спорт у Беларусi

Кiнуць выклiк лёсу. Чым жыве паралiмпiйскi спорт у Беларусi

Як беларусы рыхтуюцца да галоўных стартаў i як развiваецца паралiмпiйскi рух.

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў.