Вы тут

З'явілася мабільная праграма для арэнды грузавых машын


Днямі, на базе кампаній «Белпрамбуд» адбылася прэзентацыя першай у краіне мабільнай праграмы GT для пошуку і арэнды спецтэхнікі, грузавога і малатанажнага транспарту па геалакацыі.


Цікава, а як яна працуе? На платформе аб'ядналіся выканаўцы, на чыіх машынах устаноўлены трэкеры. Заказчык (фізічная або юрыдычная асоба) знаходзіць на карце найбліжэйшую спецтэхніку, пазначае дату, час правядзення работ, тэрмін выканання і робіць заказ.

«У нашай краіне штомесяц робіцца больш за 340 тысяч пошукавых запытаў арэнды грузавой і малатанажнай спецтэхнікі, — тлумачаць актуальнасць сэрвісу распрацоўшчыкі платформы, кампанія «Грандстоўн». — Сёння тэхналогіі дазваляюць знайсці хуткае рашэнне прафесійных і паўсядзённых пытанняў. GT павінен стаць кішэнным памочнікам у выбары грузавога транспарту і спецыяльнай тэхнікі. У адным месцы можна знайсці тэхніку, якая прыбярэ снег, выраўнуе пляцоўку, а таксама выканае складаныя задачы на буйным будаўнічым аб'екце».

Пры заключэнні дагавораў з выканаўцамі супрацоўнікі новай кампаніі правяраюць агульныя рэгістрацыйныя дакументы, наяўнасць ліцэнзій і сертыфікатаў, якія дазваляюць ажыццяўленне той ці іншай дзейнасці. Каб выключыць нядобрасумленныя кампаніі, выканаўцы прыйшлі да адзінага цэнаўтварэння. Калі характарыстыкі тэхнікі аднолькавыя, то і цэны на паслугу таксама адзіныя.

Пры рэгістрацыі ў праграме як кампаніі, так і кліента падаюцца пацвярджальныя дакументы (для фізічных асоб — ідэнтыфікацыйны нумар пашпарта), магчымая рэгістрацыя праз акаўнты gmаіl і Fасеbооk. Гэта гарантуе празрыстасць здзелкі, адказнасць яе ўдзельнікаў. Дзякуючы новаму заканадаўству ўсе дагаворы пераведзеныя «ў лічбу». А сэрвіс GT удзельнічае ў пагадненні трэцяй асобай.

На старце праекта да супрацоўніцтва падключана больш за 50 кампаній, якія валодаюць грузавой тэхнікай. У сістэме прадстаўлена 37 пазіцый спецтэхнікі рознага прызначэння: ад снегаўборачных машын да аўтакранаў. Усяго гэта больш за 200 спецыяльных грузавых машын. Усе яны размяшчаюцца ў сталіцы і Мінскай вобласці. У перспектыве праграма ахопіць і будаўнічыя кампаніі ў абласцях Беларусі, але не за яе межамі. Прадугледжаны водгукі як на выканаўцаў, так і на кліентаў, а таксама дапамога аператараў кол-цэнтра.

Што датычыцца фінансаў, дык для саміх арганізацый — уладальнікаў тэхнікі размяшчэнне ў праграме бясплатнае. Кошт гэтай паслугі ўваходзіць у аплату заказу кліента — гэта сем працэнтаў ад агульнага кошту (банкаўскія адлічэнні ўключаны).

У Беларусі аналагаў гэтага сэрвісу не існуе. Ад падобных расійскіх, нямецкіх, амерыканскіх распрацовак наш GT адрозніваецца магчымасцю адсочваць з дапамогай карты месцазнаходжанне тэхнікі ў рэжыме анлайн.

За год распрацоўшчыкі збіраюцца нарасціць аб'ём тэхнікі да паўтары тысячы адзінак і маштабаваць сэрвіс на ўсю краіну.

Сяргей КУРКАЧ

Прэв'ю: pixabay.com

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.