Вы тут

Чаму наймальнікі затрымліваюць заработную плату


Пытанні своечасовай выплаты заработнай платы знаходзяцца на пастаянным кантролі органаў пракуратуры Мінскай вобласці. У цэлым у цэнтральным рэгіёне сітуацыя па гэтым пытанні стабільная. Аднак па стане на 1 лістапада запазычанасць па зарплаце ў памеры 2,42 мільёна рублёў зафіксавана ў трох арганізацыях Міншчыны. Пра гэта паведаміў начальнік аддзела абласной пракуратуры Леанід Нячай.


Пракуратура сумесна з кантралюючымі органамі ў асобных выпадках ініцыявала прыцягненне да адказнасці наймальнікаў, якія не вытрымлівалі тэрмінаў і парадку выплаты заробкаў. У прыватнасці, пракурор Мінскага раёна вынес прадпісанне кіраўніку аднаго з закрытых акцыянерных таварыстваў з патрабаваннем прыняць меры па выплаце зарплаты работнікам. Але яно не было выканана. У выніку генеральны дырэктар прадпрыемства прыцягнуты да адміністрацыйнай адказнасці, а ўпаўнаважаная асоба наймальніка — намеснік дырэктара атрымаў адміністрацыйнае спагнанне за парушэнне тэрмінаў выплаты зарплаты. Пасля ўмяшання пракуратуры заробкі выплачаны часткова. Кіраўніцтва таварыства звярнулася ў банкі па пытанні выдзялення крэдытаў для пагашэння запазычанасці. У пракуратуру горада Жодзіна паскардзіліся супрацоўнікі ўнітарнага прадпрыемства, што ім затрымліваюць заработную плату. Па выніках праверкі наймальнік панёс адказнасць.

Усяго ж сёлета па выяўленых фактах парушэння заканадаўства аб своечасовай выплаце зарплаты і абароне працоўных правоў грамадзян органы пракуратуры Мінскай вобласці вынеслі 27 актаў пракурорскага нагляду. Да адміністрацыйнай адказнасці прыцягнуты дзевяць асоб. Арганізацыі пагасілі перад работнікамі запазычанасць па зарплаце на суму звыш 1,9 мільёна рублёў.

Таццяна ЛАЗОЎСКАЯ

Прэв'ю: asks.ru

Загаловак у газеце: На работу як на суботнік

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.