Вы тут

З 1 снежня кіроўцы павінны «пераабуць» свае аўтамабілі ў зімовыя шыны


З першага снежня кіроўцы павінны «пераабуць» свае аўтамабілі ў зімовыя шыны. Пра гэта нагадала старшы інспектар па асаблівых даручэннях аддзела арганізацыі міжведамаснага ўзаемадзеяння і прапаганды бяспекі дарожнага руху УДАІ МУС Ганна БАНАДЫК.


Фота: proteh.org

— Зімовыя шыны ўстанаўліваюцца на ўсіх колах транспартнага сродку. Пры іх куплі неабходна звяртаць увагу на маркіроўку. Патрэбны прамаркіраваныя знакам у выглядзе горнай вяршыні з трыма пікамі і са сняжынкай унутры ці знакамі М і S, — паведаміла яна.

Інспектар адзначыла, што з першага снежня да першага сакавіка за ўдзел у дарожным руху транспарту на летніх шынах прадугледжана адміністрацыйная адказнасць — папярэджанне або штраф да 0,5 базавай велічыні. Таксама забаронены выезд на дарогу машын са зношаным пратэктарам, вышыня малюнка якога складае менш за чатыры міліметры. Такое парушэнне цягне папярэджанне або штраф у памеры да адной базавай велічыні.

Як стала вядома, у Правілах дарожнага руху ў частцы пераходу пешаходамі праезнай часткі абмяркоўваюцца змены. Падстава для іх — павелічэнне колькасці наездаў на пешаходаў у зімовы перыяд.

— У краіне толькі ў лістападзе ў дарожна-транспартных здарэннях атрымалі траўмы 263 чалавекі, 45 загінулі, большасць з іх — пешаходы. Таму трэба мець на ўвазе, што пры пэўных умовах надвор'я аўтамабілі не могуць затармазіць своечасова, асабліва на ажыўленай трасе, паблізу пешаходаў, на скрыжаваннях, дзе ад частага набору хуткасці і тармажэння ўтвараецца галалёд. Важна нават на рэгуляваных пешаходных пераходах пераконвацца, што транспарт паспеў спыніцца. Дарэчы, варта паклапаціцца і пра надзейную абарону ад траўмаў і здарэнняў, — пра флікеры, — нагадала Ганна Банадык.

Дар'я ШЛАПАКОВА

Загаловак у газеце: Аўто патрабуе зімовы «абутак»

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.