У мінулыя выхадныя ў Рызе ў Палацы культуры «Zіemelblazma» прайшоў першы Конкурс беларускай песні Латвіі. Арганізатарам конкурсу выступіла пасольства Беларусі ў Латвіі пры падтрымцы Рэспубліканскага цэнтра нацыянальных культур Міністэрства культуры Рэспублікі Беларусь.
Як расказаў «Звяздзе» першы сакратар пасольства Беларусі ў Латвіі Аляксей Васількоў, у мерапрыемстве ўзялі ўдзел 16 калектываў з дзевяці гарадоў Латвіі, якія выконваюць песні на беларускай мове і песні беларускіх аўтараў. Гран-пры конкурсу (запіс дыска ў прафесійнай студыі) атрымаў ансамбль беларускай песні «Журавінка» з Вентспілса, пераможцамі сярод дзіцячых калектываў сталі ансамбль Рыжскай беларускай асноўнай школы імя Янкі Купалы «Вавёрачка» і дзіцячая студыя «Скарбніца» з Даўгаўпілса. Усе тры ансамблі-пераможцы прадставяць беларускую дыяспару Латвіі на Фестывалі мастацтваў беларусаў свету ў 2020 годзе.
Сродкі на правядзенне першага Конкурсу беларускай песні Латвіі часткова выдаткаваны за кошт Дзяржаўнай праграмы «Культура Беларусі» на 2016—2020 гады (падпраграма «Беларусы ў свеце»).
Прэв'ю: radiosvitanok.org.ua
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.