Вы тут

Мір слухае ражок з Адэльска


Рэдка якое народнае свята ў Гродзенскай вобласці, а тым больш фестывалі народных промыслаў і мастацкіх вырабаў, фальклорныя гулянні рэгіёнаў Панямоння і суседніх раёнаў, абыходзіцца без удзелу вядомага майстра па вырабе музычных інструментаў, жыхара вёскі Адэльск — Мар'яна СКРАМБЛЕВІЧА.


Са сваімі дудкамі і свістулькамі, ражкамі і акарынамі, флейтамі і жалейкамі Мар'ян Антонавіч упрыгожыць любое свята. Носьбіт аўтэнтычнага рамяства і яго шматлікія інструменты-самаграі выклікаюць непасрэдную цікавасць у кожнага чалавека, асабліва калі майстар апавядае пра той ці іншы інструмент, калі прыкладвае дудку альбо ражок да вуснаў і незвычайнымі гукамі агалошвае святочную прастору. Сем гадоў таму творчасць Мар'яна Скрамблевіча была ўключана ў Дзяржаўны спіс гісторыка-культурных каштоўнасцяў Беларусі. Гэты здымак зроблены ў дворыку сярэднявечнага замка ў пасёлку Мір, дзе славуты майстар неаднойчы дэманстраваў сваю музычную калекцыю.

Анатоль КЛЯШЧУК

Фота аўтара

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Грамадства

Санны рэйд. Як партызаны здзейснілі пераможную аперацыю на Палессі ў 1942-м

Санны рэйд. Як партызаны здзейснілі пераможную аперацыю на Палессі ў 1942-м

Сёлетняя зіма на снег, скажам прама, зусім небагатая. Але ў лютым і сакавіку 1942 года, калі пра глабальнае пацяпленне ніхто і не чуў, снегу было вельмі шмат.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.