Вы тут

«Дынама-Брэст» — новы чэмпіён краіны па футболе


У Беларусі змяніўся чэмпіён краіны па футболе. У 29 туры чэмпіянату брэсцкае «Дынама» датэрмінова заваяваў залатыя медалі і першы чэмпіёнскі кубак у гісторыі клуба. Дзякуючы голу Аляксея Хабленкі ў першым тайме брастаўчане перамаглі «Віцебск» з лікам 1:0. Карэспандэнт «Звязды» асабіста назіраў за гістарычнымі падзеямі.


Усе квіткі на матч былі раскупленыя за рэкордныя тры гадзіны. І нават лёгкі мароз не перашкодзіў балельшчыкам гаспадароў запоўніць амаль цалкам стадыён «Брэсцкі». Матч не быў вельмі яскравым, бо каманды былі вымушаны гуляць асцярожна. Усё ж не магла не паўплываць на газон і фізіку мяча нізкая тэмпература паветра. Але і сумаваць не прыходзілася. Першы тайм застаўся за берасцейцамі. Госці з Віцебска беспаспяхова шукалі свой шанец у рэдкіх контратаках. Напрыканцы першай паловы сустрэчы абаронцы не здолелі прадухіліць узяцце ўласных варот. Хабленка літаральна прапхнуў мяч за лінію.

А другі тайм шматтысячная публіка згадваць будзе неахвотна. «Віцебск» не збіраўся здавацца і ў некалькіх момантах быў блізкі да пераносу вырашэння лёсу чэмпіёнства на наступныя выхадныя. Але забіць не атрымалася. У апошнія хвіліны гульні і кампенсаваны час футбольнае поле заслалася дымам — гэта актыўныя фанаты гаспадароў ужо пачалі яскрава, з вялікім банерам і фаерамі адзначаць чэмпіёнства. І ніякі ўзмоцнены кардон са сцюардаў не здолеў спыніць прарыў соцень балельшчыкаў на газон пасля фінальнага свістка.

На родным стадыёне футбалістам «Дынама-Брэст» быў ганарова ўручаны чэмпіёнскі трафей.

Дзмітрый Суганяеў

Фота і відэа аўтара

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.