01 кастрычніка, чацвер

Вы тут

Эксперыментальны электрадом з'явіцца ў Магілёве


У абласным цэнтры распачалі будаўніцтва жылога дома, дзе для ацяплення, гарачага водазабеспячэння і прыгатавання ежы будзе выкарыстоўвацца электраэнергія.


Пра пілотны праект расказаў намеснік начальніка Магілёўскага абласнога ўпраўлення па наглядзе за рацыянальным выкарыстаннем паліўна-энергетычных рэсурсаў Дэпартамента па энергаэфектыўнасці Аляксандр Маслаў, паведамляе БелТА.

Праект распрацаваны ААТ «Магілёўграмадзянпраект» і прайшоў экспертызу ў жніўні гэтага года. Тэрмін уводу дома ў эксплуатацыю — май 2020 года.

Трохпавярховы будынак з'явіцца на вуліцы Вароўскага і разлічаны на 24 кватэры. У прыбудове да яго размесцяцца інжынерныя памяшканні (сувязі, набору вады, інвентарная і электрашчытавая) з асобным уваходам. Фасад будзе вентыляваны, сцены ўцепляць мінералаватнымі плітамі.

У кватэрах прадугледжаны электраабагравальнікі айчыннай вытворчасці з рэгуляваннем цеплавой магутнасці. Цэнтралізаванае гарачае водазабеспячэнне тут адсутнічае. Вада будзе падагравацца 100-літровымі электраводанагравальнікамі, усталяванымі ў санвузле кожнай кватэры.

Пасля завяршэння праекта спецыялісты Магілёўскага абласнога ўпраўлення па наглядзе за рацыянальным выкарыстаннем ПЭР прааналізуюць вынікі. Атрыманыя даныя па электраспажыванні ўлічаць пры падрыхтоўцы планаў па будаўніцтве цалкам электрыфікаванага жыллёвага фонду.

Фінансавацца ўзвядзенне эксперыментальнага электрадома будзе за кошт сродкаў гарадскога бюджэту. У перспектыве ў абласным цэнтры з'явіцца яшчэ некалькі такіх дамоў.

Прэв'ю: yandex.kz

Загаловак у газеце: Усё ад электрычнасці

Выбар рэдакцыі

Грамадства

Чым здзівілі фіналісты праекта TEDxYouth@Mіnsk?

Чым здзівілі фіналісты праекта TEDxYouth@Mіnsk?

Канферэнцыя прайшла ў анлайн-фармаце на відэасэрвісе VOKA.

Грамадства

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Зараз такой фабрыкі няма, але ёсць людзі, якія могуць згадаць гісторыю яе існавання.

Грамадства

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі.