У Беларусі 38,2 % уведзенага жылля пабудавана для чаргавікоў

У Беларусі 38,2 % уведзенага ў студзені — кастрычніку жылля пабудавана для тых, хто мае патрэбу ў паляпшэнні жыллёвых умоў.

Аб гэтым паведамілі БелТА ў Нацыянальным статыстычным камітэце.

Арганізацыі ўсіх формаў уласнасці пабудавалі 32,2 тысячы новых кватэр, увялі ў эксплуатацыю 2 мільёны 882,4 тысячы «квадратаў» агульнай плошчы жылля. Для грамадзян, якія стаяць на ўліку для паляпшэння жыллёвых умоў, уведзены ў эксплуатацыю 1 мільён 100,8 тысячы квадратных метраў. З агульнага аб'ёму ўведзенага жылля для чаргавікоў з выкарыстаннем дзяржпадтрымкі пабудавана 774,1 тысячы «квадратаў».

У сельскіх населеных пунктах пабудавана 971 тысяча квадратных метраў жылля, або 33,7 % агульнай колькасці па краіне.