Вы тут

Беларусь чакае павелічэння арабскіх інвестыцый у сферы прамысловасці і сельскай гаспадарцы


Прэзідэнт правёў працоўную сустрэчу са старшынёй савета дырэктароў кампаніі «Эмаар Проперціз» (Дубай).


Сустрэча стала працягам тэмаў, узнятых на пачатку лістапада падчас візіту Аляксандра Лукашэнкі ў Аб’яднаныя Арабскія Эміраты.

«Мне прыемна сёння з вамі сустрэцца тут, у Мінску, не ў Абу-Дабі, дзе вельмі спякотна і душна», — Прэзідэнт выказаў спадзяванне, што на беларускай зямлі госць адчувае сябе камфортна.

У ААЭ беларускі лідар і кіраўніцтва Эміратаў абмеркавалі шматлікія кірункі супрацоўніцтва, але Аляксандр Лукашэнка спецыяльна запрасіў Мухамеда Алі аль-Аббара, каб больш канкрэтна пагаварыць аб працы «Эмаар Проперціз» на тэрыторыі Беларусі.

«Мы гатовы супрацоўнічаць з Эміратамі не толькі ў сферы інтарэсаў вашай кампаніі, але нашмат шырэй: у сферы прамысловасці і сельскай гаспадарцы. Для нас гэта самыя важныя кірункі — акрамя будаўніцтва», — падкрэсліў кіраўнік дзяржавы.

Ён прапанаваў Мухамеду Алі аль-Аббару абмеркаваць праекты, якія зараз у распрацоўцы, але асаблівую ўвагу ўсё ж такі надаць праектам у рэальным сектары эканомікі.

«Прасунутая кампанія, вельмі вядомая не толькі ў арабскім свеце, але і ўвогуле на планеце, і супрацоўнічасць з вамі — быў б добры сігнал усёй сусветнай грамадскасці, якая займаецца бізнесам, аб нармальных умовах работы ў Беларусі. Я ведаю, што вы абы куды не ходзіце, як у нас кажуць», — адзначыў Аляксандр Лукашэнка.

Якія менавіта праекты мае намер рэалізоўваць арабская кампанія ў Беларусі, ужо абмяркоўвалася за зачыненымі дзвярыма. Аднак Прэзідэнт адзначыў, што яму спадабаліся некаторыя ідэі кіраўніцтва ААЭ.

Мухамед Алі аль-Аббар — ідэйны натхніцель і практычны выканаўца канцэпцыі стварэння сучаснага Дубая, ключавы саветнік па эканамічных і інвестыцыйных пытаннях (асабістых і дзяржаўных) кіраўнікоў Абу-Дабі і Дубая. Кампанія «Эмаар Проперціз» — адзін з найбуйнейшых у свеце дэвелапераў і інвестараў у галіне будаўніцтва.


Першы намеснік прэм’ер-міністра Беларусі Аляксандр Турчын паведаміў журналістам, што эмірацкі бок гатовы вельмі аператыўна — літаральна за паўгода — мадэрнізаваць стары будынак у Мінску і пабудаваць гасцініцу сучаснага ўзроўню.

Гэта толькі адзін з вынікаў сустрэчы, на якой абмеркаваны цэлы шэраг магчымых інвестыцыйных праектаў — ад пытанняў сельскай гаспадаркі да прамысловасці і дэвелаперскіх праектаў. 

«У «Эмаар Проперціз» прапановы ёсць з усяго свету, але яны выбралі для інвестыцый нашу краіну», — падкрэсліў Аляксандр Турчын.

Варвара МАРОЗАВА

Фота БЕЛТА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…