Вы тут

Як БРСМ прадстаўлены ў парламенце


Цэнтрвыбаркам апублікаваў прозвішчы кандыдатаў, абраных у склад Палаты прадстаўнікоў Нацыянальнага сходу сёмага склікання. Ёсць сярод іх і прадстаўнікі Беларускага рэспубліканскага саюза моладзі, якія сталі дэпутатамі парламента і ўтварылі ў ім невялікую каманду. Як ужо паведамлялася раней, па выніках электаральнай кампаніі БРСМ разлічваў на стварэнне ў парламенце маладзёжнай групы. Усяго на дэпутацкія мандаты ў Палаце прадстаўнікоў Нацыянальнага сходу сёмага склікання прэтэндавала дзесяць членаў Саюза моладзі. Яны былі вылучаны кандыдатамі як шляхам збору подпісаў, так і працоўнымі калектывамі, палітычнымі партыямі.


У выніку ў каманду Саюза моладзі ў парламенце ўвайшлі Наталля Голуб — першы сакратар Бярозаўскага раённага камітэта БРСМ, Ігар Завалей — першы сакратар Гомельскага абласнога камітэта БРСМ, Павел Міхалюк — першы сакратар Гродзенскага абласнога камітэта БРСМ, Вера Шырокая — дырэктар Бабруйскага дзяржаўнага каледжа імя А. Я. Ларына, Сяргей Клішэвіч — першы сакратар Мінскай гарадской арганізацыі БРСМ, Марыя Васілевіч — рэдактар аддзела рэдактараў галоўнай дырэкцыі падрыхтоўкі тэлепраграм генеральнага прадзюсарскага цэнтра Белтэлерадыёкампаніі.

Нагадаем таксама, што ў першы дзень датэрміновага галасавання на выбарах дэпутатаў Палаты прадстаўнікоў Нацыянальнага сходу Рэспублікі Беларусь Беларускі рэспубліканскі саюз моладзі даў старт маладзёжнай эстафеце «#яприду», скіраванай на павышэнне электаральнай актыўнасці маладых выбаршчыкаў, тых, хто галасуе ўпершыню.

Да 17 лістапада па ўсёй краіне пад эгідай БРСМ адбылося больш за 200 мерапрыемстваў маладзёжнай эстафеты: акцыі «Мая Беларусь — мой выбар!», «Моладзь выбірае будучыню!», «Малады выбаршчык», «Моладзь галасуе», палітыка-прававыя гульні «Выбарчы ўчастак», «Я будучы выбаршчык», інтэлектуальныя квэсты «Прававы лабірынт», «Сцежка выбаршчыка», адкрытыя дыялогі «Беларусь і Я».

А ў сацыяльных сетках з'явіліся стыльныя электаральныя плакаты. Такім спосабам каманда БРСМ заклікала маладых людзей прыйсці на выбары і праявіць сваю актыўную грамадзянскую пазіцыю.

— Наша каманда запусціла нязвыклы для мэтавай аўдыторыі кантэнт. Мы выдатна разумеем, што зараз знаходзіцца ў трэндзе SMM і дызайну фатаграфій, і ідзём у нагу з часам. Запуск кампаніі «#яприду» сімвалічны: мы закранулі сацыяльныя і, галоўнае, маладзёжныя пытанні, паказаўшы звычайных беларускіх студэнтаў у іх штодзённай абстаноўцы — у метро, на вуліцы, у гандлёвым цэнтры. Але зрабілі гэта з новага ракурсу. Нам дапамог малады фатограф Максім Кісель. Фармат незвычайны, аднак водгукі падпісчыкаў нашых суполак «УКантакце» і «Інстаграм» прыемна здзіўляюць, — расказвала падчас запуску суаўтар маладзёжнага праекта «#яприду» Хрысціна Кечко.

12 лістапада ў сацыяльнай сетцы «УКантакце», а таксама сэрвісе «Інстаграм» стартаваў сэлфі-конкурс БРСМ «#МолодежьГолосует». Мінская гарадская арганізацыя Саюза моладзі прапанавала маладым людзям зрабіць сэлфі на выбарчым участку ў дні датэрміновага галасавання і 17 лістапада, апублікаваць яго на сваёй старонцы «УКантакце» або акаўнце ў «Інстаграме» з хэштэгамі #выборы2019, #молодежьголосует, #яголосую і адзначыць афіцыйны акаўнт БРСМ Мінска @mіnskbrsm.

Адразу ж пасля публікацыі сэлфі карыстальнік аўтаматычна рабіўся ўдзельнікам конкурсу, які завяршыўся 17 лістапада ў 23:59. Вынікі былі падведзены 19 лістапада і апублікаваны ў сацыяльнай сетцы «УКантакце» ў групе «Мінск — БРСМ | Мінск — сталіца моладзі!»

Аўтараў дзесяці самых крэатыўных сэлфі ўзнагародзілі памятнымі сувенірамі. Абсалютны пераможца конкурсу атрымаў у падарунак фітнес-бранзалет.

Сяргей РАСОЛЬКА

Выбар рэдакцыі

Спорт

Як жыве адзіная школа коннага спорту ў Мінскай вобласці

Як жыве адзіная школа коннага спорту ў Мінскай вобласці

Да свайго юбілею школа атрымала выдатны падарунак — капітальны рамонт.

Грамадства

Што трэба рабіць, каб перамагчы свае страхі

Што трэба рабіць, каб перамагчы свае страхі

Наяўнасць страху — з'ява натуральная. Але...

Палітыка

Лукашэнка: Космас — лакмусавая папера, якая дапамагае ацаніць магчымасці і здольнасці дзяржавы

Лукашэнка: Космас — лакмусавая папера, якая дапамагае ацаніць магчымасці і здольнасці дзяржавы

Прэзідэнт Беларусі і дырэктар карпарацыі «Раскосмас» абмяркавалі сумесныя беларуска-расійскія праекты ў касмічнай сферы

Культура

Кастусь Качан: Калі б не стаў мастаком, гэта было б не жыццё, а пакуты

Кастусь Качан: Калі б не стаў мастаком, гэта было б не жыццё, а пакуты

Ён рыхтуецца прадставіць выстаўку ў Нацыянальным мастацкім музеі Беларусі.