Раніцай 15 лістапада ў Чыгуначны РАУС Гомеля звярнуўся менеджэр арганізацыі пасажырскіх перавозак і паведаміў, што ўначы з офіса выкралі сейф, перадае прэс-сакратар МУС Вольга Чамаданава.
На месца здарэння выбыла следча-аператыўная група. Шкло ўваходных дзвярэй было разбіта і праламана сцяна ў будынку. З памяшкання выкрадзены сейф, у якім захоўваліся 26 аўтамабільных ключоў, 3 мабільныя тэлефоны, ноўтбук і больш за 15 тыс. беларускіх рублёў.
Сышчыкі ва ўзаемадзеянні з экспертамі ўстанавілі асобы падазраваных, якія могуць быць датычныя да злачынства. Імі апынуліся мужчыны 37 і 39 гадоў, жыхары Гомельшчыны. Адзін з іх раней неаднаразова судзімы, спрабаваў уладкавацца ў дадзеную фірму кіроўцам таксі.
Па месцы жыхарства затрыманых былі праведзеныя ператрусы. Канфіскавана частка выкрадзеных грошай і ноўтбук. Таксама праваахоўнікі знайшлі ўзламаны сейф, які мужчыны выкінулі ў адзін з вадаёмаў Веткаўскага раёна.
Следчымі распачата крымінальная справа за крадзеж у буйным памеры.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.