Вы тут

У Мінску спынілі машыну з неіснуючымі нумарамі


Супрацоўнікамі Дзяржаўтаінспекцыі падчас нясення службы 17 лістапада на вуліцы Свярдлова быў спынены аўтамабіль «Крайслер» з рэгістрацыйным знакам нявызначанага ўзору, паведамляе МУС.


Усталяваць сапраўднасць рэгістрацыйных знакаў і VIN-нумар кузава на месцы супрацоўнікам Дзяржаўтаінспекцыі не прадставілася магчымым, у сувязі з чым транспартны сродак быў змешчаны на аўтамабільную стаянку на тэрыторыі Ленінскага РУУС Мінска. У ходзе праверкі ўстаноўлена, што вадзіцель транспартнага сродку - мужчына 1974 года нараджэння, ураджэнец Мінска.

На момант прыпынку кіроўца прыцягваўся да адміністрацыйнай адказнасці больш за 60 разоў за такія парушэнні, як: парушэнне правілаў прыпынку стаянкі транспартных сродкаў, стварэнне аварыйнай сітуацыі, праезд скрыжавання на забараняльны сігнал святлафора, непрадастаўленне перавагі пры руху пешаходу, перавышэнне асобай, якая кіравала транспартным сродкам, усталяванай хуткасці руху, а таксама іншыя парушэнні супраць бяспекі дарожнага руху.

У дачыненні да кіроўцы складзены адміністрацыйны пратакол па ч. 6 арт. 18. 12 КаАП Рэспублікі Беларусь («Кіраванне транспартным сродкам з загадзя скрытым, падробленым (падкладзеным) або iншым чынам змененым рэгiстрацыйным (нумарным) знакам, ідэнтыфікацыйным нумарам кузава або шасi або без прысвоенага рэгiстрацыйнага (нумарнога) знака»). Санкцыя названай частцы артыкула прадугледжвае адказнасць у выглядзе штрафу ў памеры ад дзесяці да дваццаці базавых велічынь.

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.