Вы тут

МНС праводзіць конкурс па стварэнні бяспечнай попельніцы


Як паказвае статыстыка, большасць пажараў з гібеллю людзей адбываецца з-за неасцярожнага абыходжання з агнём пры курэнні. Каб знізіць колькасць такіх здарэнняў і падысці да праблемы з другога боку, у рамках рэспубліканскай акцыі “Не прапальваць сваё жыццё!" МНС праводзіць інавацыйны конкурс па стварэнні канцэпцыі бяспечнай попельніцы.


Ці можна знайсці спосаб не дапусціць наступстваў неасцярожнага курэння ў ложку і выкідання запалак і недакуркаў куды заўгодна, у тым ліку на матэрыялы, здольныя загарэцца пры найменшым судотыку з агнём? Можна паспрабаваць, напрыклад, адмовіцца ад курэння. Але каб дапамагчы тым, каму такая барацьба, у першую чаргу з самім сабой, не па сілах, ратавальнікі ініцыявалі конкурс “Бяспечная попельніца”, які дазволіць бок аб бок пазмагацца за бяспеку з гэтай згубнай звычкай.

Прыняць удзел у конкурсе можа любы ахвотны. Важныя задачы, якія трэба будзе вырашыць кожнаму ўдзельніку, - забяспечыць пажарную бяспеку пры курэнні ў любым месцы і становішчы і не даць забыць пра непатушаную цыгарэту. Галоўны пасыл, які павінен несці праект, - выклікаць жаданне ў курца патушыць свой недакурак і пазбегнуць бяды.

Няма ніякіх абмежаванняў і рамак для ўяўлення і фантазіі. Адзіная ўмова - патрэбна, каб праект можна было ўвасобіць у рэальным жыцці. Можа, гэта будзе канцэпцыя са знішчэннем недакуркаў пры дапамозе вакуумізацыі, попельніца ў форме ложка, як напамін аб праблеме курэння ў ім, ці попельніца-вогнетушыцель, якая, у выпадку загарання, дасць магчымасць адразу ж усё патушыць? Якой ёй быць - кожны вырашыць самастойна.

Лепшыя макеты і прапановы “Бяспечнай попельніцы” выберуць на фінальным этапе акцыі, галасаваць у якім змогуць усе ўдзельнікі мерапрыемства.

Удзельнічаць у конкурсе і дасылаць свае работы можна на на ssir@mchs.gov.by.

Сяргей РАСОЛЬКА

Прэв'ю: rogersgray.com

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.