Вы тут

Качанава: Дэпутат павінен любіць сваю краіну і ўмець працаваць з людзьмі


Кіраўнік Адміністрацыі Прэзідэнта Наталля Качанава пасля таго, як аддала падчас выбараў свой голас за абранага ёй кандыдата ў дэпутаты, таксама сказала некалькі слоў для прэсы.


«Падчас выбараў у мяне заўсёды добры настрой, — зазначыла яна. — У нашай краіне дзень выбараў — гэта заўсёды свята. Мы прывыклі да гэтага. За каго галасавала? Канешне, за самага дастойнага кандыдата, які будзе прадстаўляць у парламенце людзей, якія жывуць на гэтай тэрыторыі. Думаю, ён будзе выконваць гэта належна. Лічу, што я зрабіла правільны выбар, але жыццё пакажа».

Наталля Качанава лічыць, што ў краіне выбары праходзяць дастаткова актыўна, у людзей, якія прыходзяць на выбарчыя ўчасткі, таксама святочны настрой, пра што ёй расказалі кіраўнікі абласцей. Кіраўнік Адміністрацыі Прэзідэнта падзякавала супрацоўнікам участковых камісій, артыстам, работнікам гандлю, якія дапамагаюць ствараць добры настрой на выбарчых участках, і грамадзянам, якія выказваюць сваю грамадзянскую пазіцыю і бяруць удзел у гэтай важнай для краіны палітычнай кампаніі. 

Дэпутатам павінен быць той, хто любіць сваю краіну і народ, дадала Наталля Качанава.

«Работа ў парламенце няпростая, трэба ўмець працаваць не толькі з законамі, па якіх будзе развівацца наша краіна, але і з людзьмі, выконваць дадзеныя падчас перадвыбарчай кампаніі абяцанні. Важна, каб дэпутат, калі атрымае мандат, актыўна працаваў з людзьмі. У парламент павінны быць абраныя самыя дастойныя», — рэзюмавала кіраўнік Адміністрацыі Прэзідэнта.

Вольга МЯДЗВЕДЗЕВА

Фота БЕЛТА

Выбар рэдакцыі

Культура

«Звязда» з'ездзіла на кінафестываль Żubrоffkа

«Звязда» з'ездзіла на кінафестываль Żubrоffkа

Раім вам у наступным годзе адправіцца туды самім.

Культура

Мастачка Алеся Скарабагатая: Няма мэты падабацца

Мастачка Алеся Скарабагатая: Няма мэты падабацца

Імя мастачкі гучыць усе пяць гадоў правядзення «Асенніх салонаў».

Спорт

Спартсмен Валерый Макарэвіч: Мара ў мяне адна — стаць прафесіяналам сваёй справы

Спартсмен Валерый Макарэвіч: Мара ў мяне адна — стаць прафесіяналам сваёй справы

Як варатар зборнай Беларусі па пляжным футболе сумяшчае гульню з роляй настаўніка і бацькі.  

Калейдаскоп

Вясёлыя гісторыі чытачоў

Вясёлыя гісторыі чытачоў

Языку дай волю..., Хвалі дзень вечарам, Людзі — добрыя.