У міжнародным конкурсе песні "Еўрабачанне-2020" у Ратэрдаме прыме ўдзел 41 краіна, у тым ліку Беларусь. Такая інфармацыя размешчана на афіцыйным сайце конкурсу, паведамляе БЕЛТА.
Заяўлены прадстаўнікі Балгарыі і Украіны, у бягучым годзе яны ў конкурсе не ўдзельнічалі. Выканаўцы з 35 краін выступяць у двух паўфіналах. Дзясятка лепшых з кожнага выступіць у фінале разам з канкурсантамі з краін вялікай пяцёркі "Еўрабачання" (Францыя, Германія, Італія, Іспанія, Вялікабрытанія) і Нідэрландаў, якія прымаюць у 2020 годзе конкурс.
Жараб'ёўка, дзе вызначыцца, у якім паўфінале выступіць кожная краіна, пройдзе 28 студзеня ў Ратэрдаме.
Слоган "Еўрабачання-2020" - "Open up" (Адкрыйся). Конкурс прымаюць Нідэрланды пасля перамогі Дункана Лоўрэнса з песняй "Arcade" на конкурсе ў 2019 годзе, які праходзіў у Тэль-Авіве (Ізраіль). Паўфіналы адбудуцца 12 мая і 14 мая, фінал - 16 мая.
Прэв'ю: tvr.by
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
