Вы тут

Святлана Бароўская адзначае юбілей


Адна з найбольш папулярных вядучых айчыннага тэлебачання Святлана Бароўская 17 лістапада адзначае юбілей. Яна не ўтойвае свой узрост, бо і ў 50 выглядае молада і стыльна.


Тэлегледачам выпускніца тэатральна-мастацкага інстытута вядомая па ролях у кіно і тэатры, у якасці вядучай «Славянскага базару ў Віцебску» і іншых фестываляў і конкурсаў, як аўтар і вядучая праекта «Выхад ёсць». Вось ужо 28 гадоў у эфіры яна скарае сваіх прыхільнікаў аптымізмам, абаяльнасцю, прыгажосцю і энергіяй. Сёння Святлана Бароўская з'яўляецца паслом добрай волі ЮНЭЙДС у Беларусі і працягвае здымацца ў фільмах і серыялах, бо дзякуючы яе майстэрству і ўменню ствараць яркія разнапланавыя вобразы, талент беларускай артысткі запатрабаваны рэжысёрамі і кінапрадзюсарамі.

Аднак галоўным тэлевізійным праектам у яе жыцці вось ужо на працягу 22 гадоў застаецца праграма «Добрай раніцы, Беларусь!» на тэлеканале «Беларусь 1». Мала хто ведае, але падчас дэбютнага тэлеэфіру на Белтэлерадыёкампаніі юная Бароўская пераблытала пераможцу віктарыны і прыз трапіў не ў тыя рукі, аднак вядучая не разгубілася і змагла абваражыць кіраўніцтва тэлеканала і гледачоў. І з таго часу ёй не перастаюць пісаць прыхільнікі творчасці. Адзначана дзейнасць адной з самых любімых тэлевядучых нашай краіны і на высокім дзяржаўным узроўні.

Да юбілею Святланы Бароўскай сацыякультурны канал медыяхолдынга «Беларусь 3» падрыхтаваў тэматычны паказ яе аўтарскай праграмы «Выхад ёсць». Таксама гледачы ўбачаць міні-серыял з удзелам імянінніцы — рамантычную меладраму Ірыны Волах і Ганны Пармас «Пяшчотная зіма» — у эфіры 17 лістапада ў 12.25.

Шчыра віншуем калегу з юбілеем! Жадаем шчасця і натхнення ў творчасці!

Загаловак у газеце: Жанчына без узросту

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Баявыя поспехi шмат у чым залежалi ад быту, або пра што паведамляюць партызанскiя летапiсы

Баявыя поспехi шмат у чым залежалi ад быту, або пра што паведамляюць партызанскiя летапiсы

Партыйныя i камсамольскiя арганiзацыi партызанскiх атрадаў удзялялi вялiкую ўвагу адпачынку i вольнаму часу партызан.