Вы тут

ТЦСАН Віцебскага раёна атрымаў спецыялізаваны аўтамабіль


Тэрытарыяльны цэнтр сацыяльнага абслугоўвання насельніцтва Віцебскага раёна атрымаў спецыялізаваны аўтамабіль для перавозкі людзей з абмежаванымі магчымасцямі. Ён быў перададзены ўчора падчас урачыстай цырымоніі.


Сродкі, а гэта 26 тысяч долараў, выдзеліў урад Японіі ў межах праграмы «Карані травы — грантавая дапамога для праектаў па забеспячэнні бяспекі чалавека». Удзел ва ўрачыстай цырымоніі ўзяў Надзвычайны і Паўнамоцны Пасол Японіі ў Рэспубліцы Беларусь Хірокі Такунага. Ключы ад аўтамабіля ён перадаў дырэктару Тэрытарыяльнага цэнтра сацыяльнага абслугоўвання насельніцтва Віцебскага раёна Леаніду Кавалёву. Патрэбу ў дадатковым транспарце сацыяльная ўстанова мае даўно. У Віцебскім раёне 358 населеных пунктаў, у якіх пражывае больш за 37 тысяч чалавек.

Пераважная большасць праектаў праграмы «Карані травы» дагэтуль рэалізоўвалася ў медыцынскай сферы. Гранты атрымлівалі медыцынскія ўстановы на набыццё абсталявання. Гэта ж першы праект у сацыяльнай сферы і другі ў Віцебскай вобласці. Праграму «Карані травы» ў Беларусі ўрад Японіі рэалізуе з 2004 года. За гэты час медыцынскія ўстановы, якія перамагалі ў адпаведным конкурсе пасольства Японіі, закупілі дыягнастычнае і іншае абсталяванне на суму больш за 4 мільёны долараў.

Алена КРАВЕЦ

Загаловак у газеце: Патрэбны падарунак

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.