З 16 лістапада ў работу сталічнага пасажырскага транспарту ўносяцца змяненні

Пра гэта паведамляе дзяржаўнае прадпрыемства “Мінсктранс”.

Прычына - у сувязі з правядзеннем работ па дэмантажу механізаванага тунэлепраходчага комплексу пры будаўніцтве трэцяй лініі метрапалітэна і закрыццём вуліцы Жукоўскага на ўчастку ад вуліцы Магілёўскай да вуліцы Варанянскага. Тэрміны – з 16 лістапада і да заканчэння работ (арыенціровачна па 26 снежня). Плануюцца наступныя змяненні ў работу пасажырскага транспарту:

• рух аўтобусаў маршруту № 24 на ўчастку ад вуліцы Мяснікова да прыпыначнага пункта “Варанянскага” арганізуецца па вуліцах Маскоўскай, Чкалава, Варанянскага ў абодвух напрамках з выкананнем усіх прамежкавых прыпыначных пунктаў на змененым участку;
• рух аўтобусаў маршруту № 65 на ўчастку ад вуліцы Талстога да вуліцы Аэрадромнай арганізуецца па вуліцах Магілёўскай, Валадзько ў абодвух напрамках з выкананнем усіх прамежкавых прыпыначных пунктаў на змененым участку (уключаючы прыпыначны пункт “Варанянскага” ў накірунку КП “Гарадскі Вал” па вуліцы Валадзько на прыпыначнай пляцоўцы за скрыжаваннем з вуліцай Варанянскага);
• рух аўтобусаў маршруту № 4Д на ўчастку ад вуліцы Валадзько арганізуецца па вуліцах Варанянскага, Чкалава, Маскоўскай, Талстога ў абодвух напрамках з выкананнем усіх прамежкавых прыпыначных пунктаў на змененым участку.

“Мінсктранс” просіць улічваць дадзеную інфармацыю пры планаванні паездак.

Сяргей РАСОЛЬКА

Прэв'ю: yandex.ru