Вы тут

У 700 пенсіянераў пачынаецца новы навучальны год


Мінскі ўніверсітэт трэцяга ўзросту адкрывае новы сезон. Сёлета на курсы гэтай нефармальнай навучальнай установы залічана 700 слухачоў, якія будуць навучацца па 26 кірунках. Сярод іх з'явіліся такія новыя, як каліграфія, пакаёвае садоўніцтва, узроставы макіяж, экскурсазнаўства, школа прававой адукаванасці.


Самай вялікай папулярнасцю ва ўніверсітэце трэцяга ўзросту традыцыйна карыстаецца англійская мова — на гэты кірунак сёлета залічаны 176 чалавек, і гэта яшчэ далёка не ўсе ахвотныя.

Таксама абсалютна любы мінчанін, старэйшы за 60 гадоў, можа наведваць заняткі ў «Школе экалогіі» і «Школе прававой адукаванасці». Сустрэчы са спецыялістамі праходзяць раз у месяц на базе сталічнай бібліятэкі імя Янкі Купалы. Нагадаем, што ўсе заняткі ва ўніверсітэце трэцяга ўзросту бясплатныя.

Праект «Мінскі ўніверсітэт трэцяга ўзросту» рэалізуе грамадская арганізацыя «Беларуская асацыяцыя сацыяльных работнікаў» пры падтрымцы генеральнага партнёра — кампаніі JTІ.

Акрамя навучальных курсаў праект «Мінскі ўніверсітэт трэцяга ўзросту» прапануе сваім слухачам удзел у Цэнтры грамадскай актыўнасці. Спіс валанцёрскіх праектаў немаленькі: «Буккросінг», «Бабуля на гадзіну», «Рэпетытар», «Офісны садоўнік», «Кола дабра», «Падорым дзецям радасць»... Акрамя таго, ва ўніверсітэце вітаецца ініцыятыва: любы слухач можа прапанаваць уласны валанцёрскі праект.

Добрая навіна: сёлета філіял «Мінскага ўніверсітэта трэцяга ўзросту» адкрыўся ў Магілёве. Заняткі будуць праходзіць на базе Тэрытарыяльнага цэнтра сацыяльнага абслугоўвання насельніцтва Ленінскага раёна гэтага абласнога горада. Гараджане, старэйшыя за 60 гадоў, ужо цяпер могуць запісацца на англійскую мову, пілатэс або наведваць літаратурную гасцёўню.

Святлана Бусько

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.