Вы тут

Дзесяць сакрэтаў квашання капусты


Капусту квасяць многія гаспадыні, але не ва ўсіх яна атрымліваецца смачная. Прычын для гэтага шмат. Каб капуста ўдалася, рабіць тое трэба пасля наступлення Пакрова, а яшчэ лепш тады, калі надыдуць восеньскія халады. Больш карысную і любімую гародніну, чым капуста ў квашаным выглядзе, зімой наўрад ці можна адшукаць. Квашаная капуста з бульбачкай на стале — найлепшая страва. І для застолля капуста заўсёды добрая. Ёсць і некалькі сакрэтаў гатавання хрумсткай квашанкі, якімі я з вамі падзялюся.


Фота: vseretsepti.ru

1. Для квашання неабходна выкарыстоўваць толькі белыя і цвёрдыя качаны познеспелых сартоў капусты.

2. Смачная капуста атрымліваецца толькі ў драўляных бочках або ў эмаліраваным адмысловым посудзе.

3. Пры шаткаванні абавязкова трэба здымаць верхняе зялёнае і пашкоджанае лісце, таксама выдаляць храпку — яна заўсёды дае горыч.

4. Важна дробна нашаткаваць або насекчы качан, а моркву нарэзаць тонкімі кружочкамі або нацерці на буйной тарцы ў выглядзе тонкіх палосак. Чым больш морквы, тым смачнейшая будзе капуста.

5. Для засолкі найлепш выкарыстоўваць каменную соль, але не ёдаваную. Важна не перасаліць капусту. Соль заўсёды трэба дадаваць на смак.

6. На дно ёмістасці або тары не забываем пакласці кавалачкі чорнага хлеба, загорнутыя ў капуснае лісце. Пры гэтым хлеб павінен быць духмяны і смачны.

7. Асаблівыя водар і смак капусце нададуць яблыкі «антонаўка». А яшчэ добра дадаваць у капусту журавіны або брусніцы.

8. Нельга пераціраць капусту з соллю — яна тады не будзе хрумсцець. Капусту, змешаную з морквай і соллю, трэба ўкладваць пластамі і ўтрамбоўваць кулаком або драўляным таўкачом толькі да выдзялення соку. Першы (горкі) сок павінен сцячы, таму капусту ў тару кладзём гарой і накрываем драўляным кружком з лёгкім прыгнётам.

9. Першыя 2-3 дні трэба вытрымаць капусту да закісання пры тэмпературы ад +18 да +20 градусаў. Для паляпшэння смаку і водару мы яе штодня пратыкаем (да дна) завостранай драўлянай круглай палкай. Пену, якая з'явіцца, выдаляем.

10. На 10 кг капусты на практыцы спатрэбіцца: солі — 100—150 г, морквы і яблыкаў — па 0,5 кг, журавін або брусніц — па 100—150 г.

Прапаную свой новы хатні рэцэпт квашання капусты на зіму. Нашаткаваную капусту змешваем з морквай (нацёртай на карэйскай тарцы) з дадаваннем кропу або кмену. Усё змесціва добра змешваем, але не пераціраем. Шчыльна ўкладваем у трохлітровыя слоікі (да гарлавіны). Заліваем 1 л халоднай (без кіпячэння) вады. Дадаём у кожны слоік па 3 ст. л. (без верху) цукру і па 2 ст. л. солі, таксама без верху. Дадаючы соль і цукар, трэба спачатку іх змяшаць паміж сабой. Затым закрываем слоік капронавай накрыўкай, папярэдне нагрэўшы яе ў цёплай вадзе. Накрыўкі неабходна выкарыстоўваць двайныя і пажадана новыя. Закаркаваныя слоікі ставім у цёмнае, прахалоднае месца: на балконе або ў склепе. Смачна есці!

Яўген САЛАНОВІЧ, дачнік са шматгадовым вопытам

Выбар рэдакцыі

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.