Вы тут

Саюзныя парламентарыі будуць назіраць за выбарамі ў Палату прадстаўнікоў


Дэпутаты Парламенцкага сходу Саюза Беларусі і Расіі прымуць удзел у назіранні за выбарамі дэпутатаў Палаты прадстаўнікоў Нацыянальнага сходу Беларусі, паведамілі БЕЛТА ў прэс-службе Парламенцкага сходу.


"17 лістапада саюзныя парламентарыі ў складзе місіі наглядальнікаў ад СНД прымуць удзел у назіранні за выбарамі дэпутатаў Палаты прадстаўнікоў Нацыянальнага сходу Беларусі сёмага склікання, - адзначылі ў прэс-службе. - У дэлегацыю ўвойдуць парламентарыі, якія прадстаўляюць абедзве палаты расійскага парламента, і супрацоўнікі Сакратарыята Парламенцкага сходу Саюза Беларусі і Расіі".

Саюзныя дэпутаты наведаюць выбарчыя ўчасткі ў Мінску, Віцебскай, Гродзенскай і Мінскай абласцях, сустрэнуцца з кіраўніцтвам Цэнтрвыбаркама, абласных выбарчых камісій, а таксама з кіраўнікамі абласных Саветаў дэпутатаў і выканаўчых камітэтаў. 18 лістапада дэпутаты Парламенцкага сходу сумесна з іншымі прадстаўнікамі місіі наглядальнікаў ад СНД прымуць удзел у прэс-канферэнцыі па выніках маніторынгу падрыхтоўкі і правядзення выбараў.

"Пасля аб'яўлення афіцыйных вынікаў выбараў у Нацыянальны сход Беларусі частка выбраных дэпутатаў будзе дэлегавана ў Парламенцкі сход, - нагадалі ў прэс-службе. - У адпаведнасці з Дагаворам аб стварэнні Саюзнай дзяржавы Расію і Беларусь у Парламенцкім сходзе прадстаўляюць па 36 дэпутатаў ад парламентаў дзяржаў-удзельніц".

Прэв'ю: belta.by

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.