Вы тут

Крыніца на Крывінцы


Жыхаркі гарадскога пасёлка Бешанковічы Алеся Аўчыннікава і Аксана Лейчанка часта апранаюць старадаўнія мясцовыя строі, калі дэманструюць традыцыйнае народнае мастацтва на этнафальклорных фэстах і кірмашах, прадстаўляючы раённы Дом рамёстваў: Алеся — дырэктар гэтай установы, майстар па лепцы гліняных свістулек і роспісу па шкле, Аксана — майстар-метадыст па ткацтве. А іхнія святочныя строі вышытыя майстрам Аленай Пагарэльскай у 2016 годзе на ўзор жаночага адзення канца ХІХ — пачатку ХХ стагоддзя. На шчасце, яшчэ захаваліся адзінкавыя экзэмпляры ў бабуліных куфрах, у музейных запасніках.


— У такія строі местачковыя і вясковыя кабеты і дзяўчаты прыбіраліся, калі ішлі ў царкву, альбо калі танцавалі на вяселлях і вячорках, вадзілі купальскія карагоды і «жанілі Цярэшку», — кажа Алеся Аўчыннікава. — Наша майстэрня працягвае традыцыі мясцовых рамеснікаў і ўмельцаў, якія ў сваіх рукатворных работах пакінулі неацэнны скарб, у тым ліку і ў рэгіянальным жаночым адзенні. Для нас гэта — выток сапраўднай духоўнасці!

Па задуме гэтага фотапраекта, на здымку трэба паказваць і сапраўдную — чыстую, упарадкаваную і, само сабою, любімую жыхарамі крыніцу. Такой крыніцай стала «Ляснічка», якая дзень і ноч б'е з-пад крутога берага Крывінкі непадалёку ад райцэнтра. Да яе вядзе сучасная жалезная лесвіца, якая ніколечкі не парушае гармонію ціхага і ўтульнага куточка. Наадварот, прыступкі даюць уяўленне, што яны злучаюць не толькі стагоддзі, але і нашы вытокі.

Анатоль Кляшчук, фота аўтара

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.