Вы тут

Беларусбанк можа выкупіць частку «Белшыны»


Дадэмісію акцый бабруйскай "Белшыны" можа выкупіць самы буйны банк краіны Беларусбанк. Пра гэта TUT.BY распавялі крыніцы, блізкія да абодвух бакоў здзелкі.


tut.by

Зараз статутны фонд "Белшыны" сфармаваны з 129,9 млн акцый. Усе яны знаходзяцца ва ўласнасці дзяржавы. Нядаўна стала вядома аб тым, што плануецца выпусціць 23,7 млн акцый "Белшыны" наміналам 1,18 рубля на суму амаль у 28 млн рублёў. Заяўкі на набыццё акцый будуць прымацца з 16 лістапада да 13 снежня. З кароткай інфармацыі аб эмісіі акцый вынікае, што паперы хочуць прадаць рэзідэнтам Беларусі "для папаўнення абаротных сродкаў" "Белшыны".

—  Акцыі выкупіць Беларусбанк. Рашэнне ўзгоднена ў Саўміне. Засталося выканаць фармальнасці, —  сказаў TUT. BY інфармаваная крыніца. — Прадстаўнікі дзяржбанка ўвойдуць у назіральны савет "Белшыны" і такім чынам будзе сфарміравана новае карпаратыўнае кіраванне.

— Сапраўды, Дзяржбанк можа выкупіць дадэмісію і такім чынам папоўніць абаротны капітал прадпрыемства. Потым банк прадасць гэты пакет акцый. Для яго гэта няпрофільны актыў, — растлумачыў іншы суразмоўца. — Урад спрабуе ўкараніць новае карпаратыўнае кіраванне на дзяржзаводах. І купля акцый — адзін з такіх механізмаў.

Ужо некалькі гадоў фінансавае становішча "Белшыны" складанае. Кампанія генеруе страты на фоне нізкай рэнтабельнасці і высокай закрэдытаванасці. Мадэрнізацыя шыннага камбіната каштавала сур’ёзных сродкаў. Але даходы пакуль не дазваляюць пакрыць выдаткі ў поўным аб’ёме.

У цяперашні час Беларусбанк цалкам валодае наступнымі кампаніямі: "АСБ Лізінг", "АСБ Брокер" і "АСБ Кансалт", а таксама санаторыямі "Спадарожнік" і "Сонечны". Акрамя таго, галоўны банк краіны мае пакеты акцый у Банкаўскім працэсінгавым цэнтры (49,28%), нябанкаўскай крэдытна-фінансавай арганізацыі АРІП (26,37%), "Белінкасгруп" (49%) і плацежная сістэма Белкарт (40,19%).

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Грамадства

Санны рэйд. Як партызаны здзейснілі пераможную аперацыю на Палессі ў 1942-м

Санны рэйд. Як партызаны здзейснілі пераможную аперацыю на Палессі ў 1942-м

Сёлетняя зіма на снег, скажам прама, зусім небагатая. Але ў лютым і сакавіку 1942 года, калі пра глабальнае пацяпленне ніхто і не чуў, снегу было вельмі шмат.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.