Вы тут

Факультэт журналістыкі БДУ святкуе сваё 75-годдзе


Да памятнай даты падрыхтавана праграма юбілейных мерапрыемстваў, паведамляе прэс-служба ўніверсітэта.


Урачыстае пасяджэнне пашыранага Савета факультэта адбудзецца 12 лістапада. Яго ўдзельнікамі стануць кіраўніцтва ВНУ, члены савета і выкладчыкі факультэта. Парадак дня пасяджэння ўключае ўручэнне ўзнагарод БДУ супрацоўнікам і студэнтам журфака.

Таксама ў рамках юбілею 14 лістапада пройдзе “Дзень навукі”. У праграму ўключаны Міжнародная навукова-практычная канферэнцыя “Журналістыка-2019”: стан, праблемы і перспектывы”, адкрытая лекцыя “Гісторыя факультэта журналістыкі ў падзеях і асобах” і семінар-трэнінг для студэнтаў па напісанні курсавых работ “Курсавая на дзясятку”.

Галоўнай падзеяй пазначаны святочны канцэрт “Журфак. Мары спраўджваюцца!“. Адбудзецца ён 15 лістапада. Юбіляраў павіншуюць кіраўнікі вядучых рэспубліканскіх СМІ і профільных ведамстваў. Сярод запрошаных гасцей таксама знакамітыя выпускнікі журфака. У іх ліку ўдзельнікі розных міжнародных конкурсаў эстраднай песні, вядучыя беларускіх тэлеканалаў.

У завяршэнне юбілею 23 лістапада арганізуюць спартыўнае свята “Кубак пакаленняў журфака: выпускнікі vs. студэнты”. За першае месца пазмагаюцца чатыры каманды студэнтаў і выпускнікоў. Яны возьмуць удзел у спаборніцтвах па настольным тэнісе і баскетболе. На спартыўных пляцоўках таксама адбудзецца паказальнае выступленне групы падтрымкі факультэта “Fox_goal” і жаночай зборнай БДУ па каратэ.

На працягу юбілейнага тыдня пройдуць таксама розныя акцыі відэавіншаванняў у сацыяльных сетках "Павіншуй журфак з юбілеем!” і тэматычная выстава, прысвечаная жыццю факультэта і яго вядомых выпускнікоў “Журфак у аб'ектыве”.

Больш падрабязна са святочнымі мерапрыемствамі можна азнаёміцца ​​на сайце факультэта журналістыкі.

Факультэт журналістыкі БДУ адкрыты ў 1944 году замест спыніўшага работу ў 1941 годзе Камуністычнага інстытута журналістыкі. Сёння ў структуру факультэта ўваходзяць навучальны цэнтр камунікацыйных тэхналогій і сем кафедраў. Падрыхтоўку студэнтаў вядуць больш за 110 супрацоўнікаў, сярод якіх 6 працэнтаў дактароў і 44 працэнты кандыдатаў навук. Большасць выкладчыкаў з'яўляюцца кіраўнікамі і вядучымі спецыялістамі СМІ, службаў па сувязях з грамадскасцю і аналітычных структур.

На факультэце навучаюцца каля тысячы студэнтаў.

Надзея НІКАЛАЕВА

Прэв'ю: yandex.by

Выбар рэдакцыі

Грамадства

Хворым на фенілкетанурыю могуць палепшыць забяспячэнне прадуктамі харчавання

Хворым на фенілкетанурыю могуць палепшыць забяспячэнне прадуктамі харчавання

Міністэрства аховы здароўя адказала на публікацыю «Звязды».

Палітыка

На пасяджэнні ЦВК зарэгістраваны 56 членаў Савета Рэспублікі сёмага склікання

На пасяджэнні ЦВК зарэгістраваны 56 членаў Савета Рэспублікі сёмага склікання

Выбары прайшлі ў прыўзнятай атмасферы, дастойна і з яркімі выступленнямі.

Калейдаскоп

«Звязда» пабывала на здымках «Талента краіны»

«Звязда» пабывала на здымках «Талента краіны»

Ужо ў гэту суботу на АНТ вялікая прэм'ера.

Культура

У Беларусі будзе стварацца археалагічная карта

У Беларусі будзе стварацца археалагічная карта

Калі Скарына прыехаў у Кракаў, і як выглядаў малы Рагвалодавіч.