Вы тут

Рост заробкаў бюджэтнікаў налета запланаваны на 10-11%


Рост заробкаў бюджэтнікаў налета запланаваны на 10-11%


Бюджэтныя асігнаванні на аплату працы складуць 4.6 мільярда рублёў.

Даходы бюджэту будучага года дастаткова сціплыя, але разам з тым прыярытэтнай задачай вызначана развіццё сацыяльнай сферы. Пільная ўвага падчас працы над бюджэтам будзе надавацца павышэнню заробкаў. Галоўная задача ў 2020 годзе - забяспечыць узровень суаднясення заробкаў у бюджэтным сектары з сярэднімі заробкамі ў эканоміцы ў памеры не менш за 80%.

Сёння дэпутаты Палаты прадстаўнікоў правялі пашыранае паседжанне Камісіі на бюджэце і фінансах, на якім разгледзілі пытанні па асноўным фінансавым дакуменце краіны.
Даходы бюджэта сфарміраваны ў памеры 24.4 мільярда рублёў і прыраслі ўсяго на 0.3 %. Сюды ўключаны рост валавага ўнутранага прадукту на 1.9%, стаўка рэфінансавання 9,5 %. Кошт нафты, закладзены ў дакумент - 60 долараў за бараль.

Па словах старшыні Пастаяннай камісіі па бюджэце і фінансах Людмілы Дабрынінай, у бюджэце ўлічаны страты ад даходаў пры рэалізацыі падаткавага манеўра Расіі ў памеры каля 537 мільёнаў рублёў.

Асноўная крыніца даходнай часткі бюджэта - падаткі. Яны складаюць 81.2% і на некалькі пунктаў прыраслі.

«Застаюцца стаўкі падаткаў без змяненняў, але ў межах 530 мільёнаў рублёў ёсць дадатковыя даходы. Яны звязаны з гарманізацыяй заканадаўства ў рамках Еўразійскага эканамічнага саюза па акцызнай палітыцы. Таму ўзрастуць акцызы на моцныя алкагольныя напоі ў межах 6%, на тытунёвыя вырабы – у межах 15 %»,- сказала Людміла Дабрыніна.

У даход пойдуць мытныя пошліны на ўвазныя нафтапрадукты і калійныя ўгнаенні - адпаведна 1.1 і 1.4 мільярда рублёў.

«Вельмі важна адзначыць падтрымку шматдзетных сем'яў. 350 мільёнаў рублёў ужо накіраваны на фармаванне сямейнага капіталу. Вельмі важна, што з 1 студзеня запрацуе механізм магчымасці выкарыстання яго датэрмінова. Таму што, як паказваюць сустрэчы, яго чакаюць шматдзетныя сем'і і падтрымліваюць палітыку дзяржавы ў гэтым плане. Гэта дапаможа вырашыць праблемы, звязаныя з паляпшэннем жыллёвых умоў, атрымання платнай адукацыі і медыцынскіх паслуг»,- паведаміла старшыня Пастаяннай камісіі па бюджэце і фінансах Палаты прадстаўнікоў.

Расходы бюджэта запланаваны ў памеры 25.4 мільярда рублёў з ростам 11 % і інфляцыяй 5%. На сацыяльную сферу выдаткуюць 5 мільярдаў (рост на 10%), ахову здароўя - 1.3 мільярда рублёў (рост на 28%). Гэтае павелічэнне абумоўлена ростам заробкаў, набыццём сучаснага медыцынскага абсталявання, забеспячэннем неабходнымі лекавымі сродкамі.

Адзначыла Людміла Дабрыніна закладзеную ў бюджэт падтрымку сельскай гаспадарцы, рэальнаму сектару эканомікі.

Па словах дэпутатаў, ёсць пэўная насцярожанасць, звязаная з дэфіцытам бюджэта ў памеры амаль 1 мільярда рублёў. Але аптымізм надае эканамічны рост і павышэнне эфектыўнасці дзяржаўнага сектару ў гэтым плане.

Марыя ДАДАЛКА

Прэв'ю: pixabay.com

Выбар рэдакцыі

Эканоміка

Усё, што трэба ведаць пра змены ў Жыллёвым кодэксе

Усё, што трэба ведаць пра змены ў Жыллёвым кодэксе

Мы паспрабавалі адшукаць самыя вострыя вуглы новаўвядзенняў і ўявіць, як будзе працаваць гэты дакумент пачынаючы з 2020 года.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Як запрасіць чалавека, каб ён не прыйшоў, і знойдзены кашалёк.

Грамадства

Як пенсіянерка з Гомеля купіла набор каструль па цане патрыманай іншамаркі

Як пенсіянерка з Гомеля купіла набор каструль па цане патрыманай іншамаркі

Усё, як у казцы: прыгожая зала, музыка, пачастункі. Абаяльныя людзі распавядаюць аб правільным харчаванні і рэкламуюць свой тавар...

Грамадства

714 тысяч тон адходаў для перапрацоўкі сабралі летась беларусы

714 тысяч тон адходаў для перапрацоўкі сабралі летась беларусы

Гэта адходы шкла, паперы, пластыку, шын, батарэек, машыннага масла...