Вы тут

У выдавецтве «Беларусь» пабачыў свет адрыўны каляндар на 2020 год


У выдавецтве «Беларусь» пабачыў свет адрыўны каляндар на 2020 год. І не магу не падзяліцца гэтай радасцю з чытачамі.


На фоне дзясяткаў (а мо і сотняў) адрыўных календароў, якія выдаюцца на рускай мове і распаўсюджваюцца ў беларускім кнігагандлі, «Родны край» часам губляецца. І ўсё ж і сёлета, як і раней, пабачыў свет гэты «стары знаёмы» многіх беларусаў. Ён яшчэ як бы і просіцца ў кватэры, дамы, адпаведна на сцены тых кватэр і дамоў, дзе штодня гучыць родная беларуская мова. Спадзяёмся, што тыраж у 4500 асобнікаў не будзе залежвацца ў кнігарнях ці кіёсках і павільёнах «Белсаюздрука».

Настрой, тэматыку вызначае ўжо ўступнае слова «Да чытача»: «Прывітанне, шаноўны чытач!

Вы трымаеце ў сваіх руках адрыўны каляндар «Родны край» на 2020 год. Гэты год — трэці па ліку, які ў Беларусі праходзіць пад знакам Года малой радзімы. У сувязі з гэтым мы змясцілі ў наша выданне шмат цікавай інфармацыі пра вялікія і малыя беларускія гарады, вёскі, рэкі, азёры і іншыя прыродныя аб'екты, а таксама пра славутых людзей Беларусі.

Гартаючы старонкі календара, Вы знойдзеце матэрыялы, карысныя для прымянення ў паўсядзённым жыцці: рэцэпты, жыццёвыя і побытавыя парады, а таксама цудоўныя вершы класікаў беларускай літаратуры, размеркаваныя ў адпаведнасці з порамі года. Спадзяёмся, што Вас зацікавіць інфармацыя пра знакі задыяка.

Ад усёй душы жадаем, каб наш каляндар натхняў Вас кожны дзень новага 2020 года і дапамагаў у жыцці!»

Нізкі паклон укладальнікам адрыўнога календара на 2020 год Алесі Коршак і Надзеі Мількевіч. А выдавецтву «Беларусь» — пажаданне, каб у наступным, 2020 годзе, адрыўны каляндар «Родны край» на 2021 год быў выдадзены накладам як мінімум 10 000 асобнікаў. Будзем спадзявацца на гэта!

Мікола БЕРЛЕЖ

Загаловак у газеце: «Родны край»: адрыўны беларускі каляндар на 2020 год

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.