Вы тут

Мiнсувязi выпускае маркi «Гiсторыя грашовых знакаў Беларусi»


У панядзелак, 4 лiстапада, Мiнiстэрства сувязi i iнфарматызацыi нашай краiны выпускае ў абарачэнне паштовыя маркi «Гiсторыя грашовых знакаў Беларусi».


Паштовы праект, якi складаецца з трох паштовых марак, канверта «Першы дзень» i спецыяльнага штэмпеля, падрыхтаваны РУП «Белпошта» i Мiнiстэрствам сувязi i iнфарматызацыi ва ўзаемадзеяннi з Нацыянальным банкам Беларусi.

На паштовых марках прадстаўлены грашовыя знакi Рэспублiкi Беларусь узору 1992—1999 гадоў, а таксама 2000 года i 2009 года. Тыраж кожнай маркi складае 72 000 паасобнiкаў. Маркi таксама аддрукаваныя ў малым лiсце тыражом 15 000 паасобнiкаў. У дзень выпуску паштовых марак у абарачэнне ў аддзяленнi паштовай сувязi № 1 Мiнска (магазiн «Фiлатэлiя», вулiца Маскоўская, 16) будзе праводзiцца спецыяльнае гашэнне на канверце «Першы дзень».

Сяргей КУРКАЧ

Загаловак у газеце: Нашы грошы на марках

Выбар рэдакцыі

Грамадства

Арэнда жылля. Хоць «мядзведжы кут», абы з выгодамі і пральнай машынай

Арэнда жылля. Хоць «мядзведжы кут», абы з выгодамі і пральнай машынай

Гэтая вясной многія хацелі самаізалявацца на прыродзе.

Грамадства

Дарогамі Славы. Кулямётчык і мінамётчык

Дарогамі Славы. Кулямётчык і мінамётчык

З сапраўднымі легендамі мінулай вайны Паўлам Рубісам і Віктарам Вятошкіным мне пашчасціла сустрэцца ў майскія дні восемдзесят дзявятага года.