Вы тут

Топ-100 буйных акцыянерных таварыстваў працуюць устойліва


Пра гэта паведаміў учора першы намеснік прэм'ер-міністра Аляксандр Турчын на «Кастрычніцкім эканамічным форуме»

Ён заявіў, што праграма рэформаў, якую наша краіна рыхтуе разам з Сусветным банкам, знаходзіцца ў высокай ступені гатоўнасці, але прасіць фінансавай падтрымкі МВФ для яе рэалізацыі пакуль не плануецца.


— Пэўныя рэчы, якія там закладзеныя, мы ўжо пачынаем рэалізоўваць. І некаторыя з іх не патрабуюць вялікіх укладанняў. У нас ёсць выразны план, і мы пачынаем яго рэалізоўваць, — падкрэсліў Аляксандр Турчын. Падымаючы пытанне пра лёс праблемных дзяржаўных прадпрыемстваў і іх выжывання ва ўмовах скарачэння дзяржпадтрымкі, першы віцэ-прэм'ер расказаў, што цяпер ідзе размеркаванне іх па катэгорыях на тых, хто працуе ўстойліва, і на тых, хто мае патрэбу ў рэструктурызацыі даўгоў.

Паводле ацэнкі спецыяліста, з першай сотні найбуйнейшых акцыянерных таварыстваў з перавагай дзяржаўнай долі ўсе прадпрыемствы сёння здольныя працаваць у рыначных умовах. Там выбудоўваецца сістэма карпаратыўнага кіравання.

— На мой суб'ектыўны погляд, там няма прадпрыемстваў, якія трэба закрываць. Ёсць тыя, якія працуюць самастойна, камусьці трэба падставіць плячо — і яны пойдуць далей. Падкрэсліваю, гаворка не ідзе аб новай дзяржпадтрымцы. Важна, каб ва ўсіх было дакладнае разуменне гэтага. Магчыма, дзесьці будзе рэструктурызацыя запазычанасці. Але ніякіх новых выдзяленняў грошай не будзе.

Што датычыцца сістэмы сацыяльнай падтрымкі, то на люты наступнага года намечана распрацоўка новага закона аб занятасці. «Пэўныя рашэнні мы паспрабуем імплементаваць у гэтым дакуменце, у тым ліку нашы прапановы па падтрымцы грамадзян, якія апынуліся ў складанай сітуацыі, звязанай з работай», — сказаў Аляксандр Турчын. Самым балючымі ў рамках рэалізацыі праграмы з Сусветным банкам павінны стаць пытанні аплаты камунальных паслуг насельніцтвам. Першы віцэ-прэм'ер адзначыў, што выхад на 100 % аплаты ацяплення, напрыклад, запланаваны толькі на 2026 год. «Да гэтага пытання трэба падыходзіць асцярожней за ўсё, улічваць, як яно ўспрымаецца насельніцтвам», — адзначыў ён.

Акрамя гэтага, у сваім выступленні першы намеснік прэм'ер-міністра адзначыў, што пытанні танных вуглевадародаў перастаюць быць крытычнымі для выжывання эканомікі.

«Мы ў цэнтр усёй эканамічнай палітыкі ставілі пытанні барацьбы за танныя нафту і газ, і гэта было натуральна. Цяпер мы бачым, што не толькі для развіцця, але і нават для выжывання эканомікі гэтыя пытанні перастаюць быць крытычнымі. Развіццё тэхналогій павольна, але няўхільна адводзіць ролю вуглевадародаў з першага плана на другі», — сказаў Аляксандр Турчын.

Сяргей КУРКАЧ

Прэв'ю: neuezeiten.rusverlag.de

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.