Вы тут

На «Мiнск-Арэне» стартаваў этап Кубка свету па веласiпедным спорце на трэку


Удзел у спаборнiцтвах бяруць 386 гоншчыкаў з 44 краiн. Яны будуць змагацца не толькi за ўзнагароды турнiру, але i за рэйтынгавыя ачкi для адбору на летнiя Алiмпiйскiя гульнi 2020 года. У праграму спаборнiцтваў увайшлi такiя дысцыплiны, як iндывiдуальны i камандны спрынт, камандная i iндывiдуальная гонка праследавання, кейрын, омнiум, мэдысан i гонка па ачках.


Беларуская каманда на дамашнiм турнiры выступiць наймацнейшым складам, у яе ўвайшлi 17 спартсменаў, у тым лiку ўсе лiдары — Таццяна Шаракова, Яўген Каралёк, Мiхаiл Шэметаў, Раман Цiшкоў, Раман Раманаў i iншыя. «Я не першы раз буду выступаць на такiм буйным турнiры ў Мiнску, дамашнiя сцены дапамагаюць злавiць кураж i дадаюць сiл. Цяпер я чакаю сур'ёзнай барацьбы, таму што на гэты этап Кубка свету прыехалi ўсе наймацнейшыя гоншчыкi — па ўзроўнi ён будзе амаль як чэмпiянат свету», — падкрэслiў чэмпiён свету, уладальнiк Кубка свету Яўген Каралёк.

«Мы маем намер парадаваць гасцей найвышэйшым узроўнем правядзення спаборнiцтваў, а спартсмены — высокiмi вынiкамi. Хочацца пажадаць усiм узрушальных эмоцый ад выступлення нашай зборнай. Вельмi ганарымся тым, што нам даверылi правесцi першы ў алiмпiйскiм сезоне этап Кубка свету. Гэта двайная адказнасць, але мы справiмся», — заявiла старшыня Беларускай федэрацыi веласiпеднага спорту Наталля Цылiнская.

Дырэктар этапу Кубка свету, генеральны менеджар веласiпеднага клуба «Мiнск» Аляксей Iваноў адзначыў, што арганiзатары чакаюць высокага iнтарэсу з боку балельшчыкаў, якiя змогуць не толькi атрымаць задавальненне ад спаборнiцтваў, але таксама паўдзельнiчаць у конкурсах i вiктарынах. Асобная забаўляльная праграма падрыхтавана для дзяцей.

«Дзякуем Мiжнароднаму саюзу веласiпедыстаў за аказаны давер. Прыём спаборнiцтваў такога ўзроўню быў бы немагчымы без падтрымкi з боку беларускай дзяржавы, якая ўдзяляе значную ўвагу развiццю спорту i здароваму ладу жыцця», — сказаў Аляксей Iваноў.

Першы этап Кубка свету будзе працягвацца да 3 лicтапада.

Дар'я Лабажэвiч

Загаловак у газеце: Першы ў алiмпiйскiм сезоне

Выбар рэдакцыі

Эканоміка

Усё, што трэба ведаць пра змены ў Жыллёвым кодэксе

Усё, што трэба ведаць пра змены ў Жыллёвым кодэксе

Мы паспрабавалі адшукаць самыя вострыя вуглы новаўвядзенняў і ўявіць, як будзе працаваць гэты дакумент пачынаючы з 2020 года.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Як запрасіць чалавека, каб ён не прыйшоў, і знойдзены кашалёк.

Грамадства

Як пенсіянерка з Гомеля купіла набор каструль па цане патрыманай іншамаркі

Як пенсіянерка з Гомеля купіла набор каструль па цане патрыманай іншамаркі

Усё, як у казцы: прыгожая зала, музыка, пачастункі. Абаяльныя людзі распавядаюць аб правільным харчаванні і рэкламуюць свой тавар...

Грамадства

714 тысяч тон адходаў для перапрацоўкі сабралі летась беларусы

714 тысяч тон адходаў для перапрацоўкі сабралі летась беларусы

Гэта адходы шкла, паперы, пластыку, шын, батарэек, машыннага масла...