Вы тут

Што зменіцца ў Беларусі 1 лістапада


Зменяцца цэны на цыгарэты

Фота: pixabay.com

Некаторыя віды тытунёвых вырабаў узрастуць у кошце, некаторыя - патаннеюць. Да гэтага змены былі месяц таму — 1 кастрычніка.

ААТ «Гродзенская тытунёвая фабрыка „Нёман“» гатова падвысіць кошт пачкі некаторых марак цыгарэт на 10 капеек, іншыя ж патаннеюць на 1 капейку. За пачак цыгарэт ТАА «Тытунь-інвест» прыйдзецца даплаціць 3-5 капеек. Таксама з’явяцца новыя маркі тытунёвых вырабаў кампаніі. Дзяржаўнае прадпрыемства «Беларусьгандаль» памяняе цэны на свае цыгарэты ад плюс 4 да мінус 1 капейкі за пачак. Сумеснае закрытае акцыянернае таварыства «Энерга-ОИЛ» кошты змяняць з 1 лістапада не збіраецца.

Уводзіцца забарона на вылаў сома і сіга

Забарона на вылаў сома еўрапейскага ўводзіцца ў Беларусі па 31 сакавіка; па 15 снежня дзейнічае забарона на вылаў сіга чудскага.

За незаконны вылаў сома парушальнік пакрывае прычыненую прыродзе шкоду ў памеры 12 базавых велічынь і атрымлівае адміністрацыйнае спагнанне ў выглядзе штрафу да 50 базавых велічынь. Пры шкодзе больш за 100 базавых пагражае і крымінальная адказнасць. За незаконна вылаўленага сіга прыйдзецца заплаціць 9 базавых велічынь.

Будзе прадавацца толькі зімовая салярка

Фота: pixabay.com

На ўсіх аўтазаправачных станцыях Беларусі будзе рэалізавацца толькі зімовае дызельнае паліва.

Вытворчасць зімовай саляркі была пачата нафтаперапрацоўчымі заводамі 15 кастрычніка, і ўжо з сярэдзіны месяца яна стала паступаць на АЗС.

Павялічыцца бюджэт пражытачнага мінімуму

З 1 лістапада бюджэт пражытачнага мінімуму павялічыцца з 230,91 да 231,83 рубля. Прыбаўка складзе 92 капейкі. Новы памер БПМ будзе дзейнічаць да канца студзеня 2020 года.

Зменяцца памеры некаторых дапамог і пенсій

Аднаразовая дапамога ў сувязі з нараджэннем першага дзіцяці складзе 2318,3 руб. (10 БПМ), другога і наступных дзяцей — 3245,62 руб. (14 БПМ); па доглядзе дзіцяці-інваліда ва ўзросце да 18 гадоў — 231,83 руб. (1 БПМ); на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў — 115,91 руб. (0,5 БПМ); на дзяцей ва ўзросце да 18 гадоў, інфіцыраваных вірусам імунадэфіцыту чалавека, — 162,28 руб. (0,7 БПМ).

Аднаразовая дапамогу жанчынам, якія сталі на ўлік у дзяржарганізацыях аховы здароўя да 12-тыднёвага тэрміну цяжарнасці, складзе 231,83 руб. (1 БПМ).

Змяненні таксама тычацца надбавак, павышэння пенсій і даплат асобам ва ўзросце 75 гадоў і старэй, якія атрымліваюць пенсіі ў органах па працы, занятасці і сацыяльнай абароне, а таксама дапамог па доглядзе за інвалідам 1-й групы або чалавекам, які дасягнуў 80-гадовага ўзросту.

  • Мінімальная пенсія па ўзросце (без уліку даплаты ў памеры 20 % ад сярэдняй зарплаты) складзе 57,96 руб.
  • Сацыяльная пенсія інвалідам 1-й групы, у тым ліку інвалідам з дзяцінства, — 255,01 руб.
  • Сацыяльная пенсія інвалідам з дзяцінства 2-й групы — 220,24 руб.
  • Сацыяльная пенсія інвалідам 2-й групы (акрамя інвалідаў з дзяцінства), дзецям у выпадку страты карміцеля — 197,06 руб.
  • Сацыяльная пенсія інвалідам 3-й групы — 173,87 руб.
  • Сацыяльная пенсія дзецям-інвалідам да 18 гадоў пры першай ступені страты здароўя складзе 185,48 руб., пры другой ступені страты здароўя — 197,06 руб., трэцяй ступені — 220,24 руб., чацвёртай — 255,01 руб.
  • Даплаты да пенсій непрацуючым пенсіянерам, якія дасягнулі 75 гадоў, — 43,47 руб., 80 гадоў — 57,96 руб.

Падаражэе таксі з Нацыянальнага аэрапорта да Мінска

Нацыянальны аэрапорт Мінск з 1 лістапада на 10 рублёў падвышае кошт паслугі трансферу. Ён вырасце да 40 рублёў. Адзіны тарыф будзе дзейнічаць на легкавы аўтамабіль з аэрапорта ў любую лакацыю Мінска. Пры гэтым кошт паездкі да сталіцы на мікрааўтобусе Peugeot Boxer на 17 пасадачных месцаў не зменіцца (120 рублёў).

Эстонія пачне браць з беларусаў дзяржпошліну за нацыянальную візу

Фота: pixabay.com

З 1 лістапада Эстонія пачне спаганяць з беларусаў дзяржпошліну за разгляд заявак на доўгатэрміновыя візы. Гаворка ідзе пра нацыянальныя візы тыпу D на тэрмін больш за 90 дзён для знаходжання, якія выдаюцца ў тым ліку для працаўладкавання, навучання, працяглага лячэння. Гэтую пошліну эстонцы адмянілі для беларусаў у лютым 2011 года.

Рашэнне вярнуць для беларусаў гэтую дзяржпошліну ў Эстоніі тлумачаць тым, што каля 90% заявак на доўгатэрміновыя візы ад грамадзян нашай краіны прыпадае на працоўных мігрантаў. Ва ўрадзе Эстоніі лічаць неапраўданым ў гэтай сітуацыі працягваць не спаганяць дзяржпошліну.

Дзяржаўная пошліна за разгляд заяўкі на нацыянальную візу тыпу D у Эстонію складае 80 еўра. З 1 студзеня 2020 года яе памер хочуць падняць да 100 еўра.

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.