Вы тут

Развітанне з кампазітарам Алегам Молчанам адбудзецца 1 лістапада


Вядомы беларускі кампазітар Алег Молчан памёр 26 лістапада пасля цяжкай працяглай хваробы. Тры апошнія гады ён змагаўся з анкалагічным захворваннем. На працягу лета гэтага года знаходзіўся на лячэнні ў стацыянары РНПЦ анкалогіі і медыцынскай радыялогіі імя Аляксандрава, а з 16 кастрычніка – у адной з клінік Жэневы.


Фота Міхаіла Маругі

Сёння стала вядома месца і час развітання з музыкам: грамадзянская паніхіда адбудзецца 1 лістапада з 11 да 14 гадзін у Вялікай зале Белдзяржфілармоніі.

Алег Молчан нарадзіўся 11 красавіка 1965 года ў Мінску ў сям'і прафесійнага музыкі. У 1983 годзе скончыў сярэднюю спецыяльную музычную школу пры Белдзяржкансерваторыі (цяпер каледж-ліцэй) па класе харавога дырыжыравання.

Кар'ера Алега Молчана як піяніста пачалася адразу пасля заканчэння ССМШ. Ён супрацоўнічаў з рознымі музычнымі калектывамі і граў сольныя праграмы. У 1985-1987 гадах Алег Молчан быў прызваны на тэрміновую ваенную службу, якую праходзіў у ансамблі песні і танца Белпалку. У складзе гэтага калектыва ўдзельнічаў у канцэртах у 30-кіламетровай зоне Чарнобыльскай АЭС.

Дэмабілізаваўшыся, Алег Молчан працаваў у Белдзяржфілармоніі ў якасці кіраўніка вакальна-інструментальнага ансамбля «Асарці», паралельна займаючыся аранжыроўкамі твораў і кампазітарскай дзейнасцю.

У 1991 годзе народны артыст СССР Уладзімір Мулявін запрасіў Алега Молчана на працу ў дзяржаўны ансамбль "Песняры" ў якасці піяніста, аранжыроўшчыка і кампазітара, а фактычна ён стаў музычным кіраўніком калектыву. Многія песні, напісаныя Алегам Молчанам у «Песнярах», ужо належаць да сучаснай песеннай класікі. Вяршыняй яго творчасці ў «Песнярах» па праве лічыцца песня на вершы Янкі Купалы «Малітва», якую ўзяў у свой рэпертуар Уладзімір Мулявін. З першага выканання публіка ўспрыняла яе як духоўны гімн Беларусі.

Песні Алега Молчана з задавальненнем бралі ў рэпертуар вядучыя беларускія артысты: Ядзвіга Паплаўская і Аляксандр Ціхановіч, Ірына Відава, Якаў Навуменка, Мікалай Скорыкаў.

Ён распавядаў, што ён сапраўды хацеў, каб твор быў падобны на гімн, але ў той жа час з мелодыяй, лёгкай для разумення публікі.

Алег Молчан — адзін з самых прадуктыўных беларускіх кампазітараў. За апошнія 11 гадоў ён правёў некалькі аўтарскіх канцэртаў, на якіх абавязкова гучалі прэм'еры песень.

Алег Молчан валодаў талентам арганізатара і мэнэджара. У 2001 годзе ён быў запрошаны ў Дзяржаўны камітэт па справах моладзі на пасаду начальніка ўпраўлення па працы з творчай моладдзю ў РУП «Ювентус». У гэтай іпастасі на высокім узроўні праводзіў шматлікія творчыя мерапрыемствы, у тым ліку фэст «За Саюз» у якасці мастацкага кіраўніка.

Алег Молчан –– прызнаны эксперт у галіне аўтарскага права. У 2018 годзе ён быў абраны прэзідэнтам Еўразійскай канфедэрацыі таварыстваў праваўладальнікаў.

У 2019 годзе Алег Молчан быў узнагароджаны медалём Францыска Скарыны.

Фота sb.by

Як паведаміла ўдава кампазітара спявачка Ірына Відава, пахаваны Алег Молчан будзе на Усходніх могілках Мінска.

Аксана ЯНОЎСКАЯ

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.

Спорт

Як у Бабруйску рыхтуюць будучых чэмпіёнаў

Як у Бабруйску рыхтуюць будучых чэмпіёнаў

Менавіта з Бабруйска выйшлі прызёры самых прэстыжных сусветных турніраў па веславанні, барацьбе, боксе, шахматах, лёгкай і цяжкай атлетыцы.

Грамадства

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Летась у Мінскай вобласці адлавілі больш за пяць тысяч бадзяжных жывёл, толькі 203 з іх знайшлі свой дом. Толькі ўявіце сабе, як лічбы адлову павялічваюцца ў маштабах усёй краіны!