Вы тут

Паспяхова прайшлі пускі мадэрнізаванай супрацьтанкавай кіруемай ракеты 9М113М


На палігоне пад Барысавам паспяхова прайшлі пускі мадэрнізаванай супрацьтанкавай кіруемай ракеты 9М113М з супрацьтанкавага ракетнага комплексу «Конкурс». Яны ажыццяўляліся па браніраваных аб'ектах на розныя далёкасці. Пра гэта паведамілі ў Міністэрстве абароны.


У выніку мадэрнізацыі ракета атрымала дадатковы кумулятыўны зарад. Яе маса павялічылася на два кілаграмы, а бронепрабівальнасць — з 250 да 375 міліметраў.

Новая ракета ўзаемазаменная з тымі, якія выкарыстоўваюцца ў комплексах «Конкурс» і «Фагот», з пункту гледжання выкарыстання кантрольна-праверачнай апаратуры і шматразовых пускавых установак. Таму баявым разлікам для выкарыстання гэтых мадэрнізаваных ракет не спатрэбіцца дадатковага навучання.

Малыя габарыты ракетнага комплексу і аўтаномнасць пускавой устаноўкі дазваляюць выкарыстоўваць для транспартавання практычна любыя сродкі, у тым ліку розныя віды бронемашын, аўтамабілі «Джып» і матацыклы з каляскай. Баявы разлік складае два чалавекі. Усё гэта забяспечвае схаванасць прымянення супрацьтанкавага ракетнага комплексу і яго высокую эфектыўнасць.

Ракета прызначана для паражэння бранятэхнікі, жывой сілы, дотаў, аб'ектаў проціпаветранай абароны і верталётаў на адлегласці да шасці кіламетраў. Выкарыстаць ракету можна з верталётаў Мі-24, Мі-8 і іх мадыфікацый, а таксама баявых машын процітанкавых ракетных комплексаў «Штурм».

Валяр'ян ШКЛЕННІК

Прэв'ю: mil.by

Загаловак у газеце: Ракета выходзіць на старт

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

«Разумныя» гарады. Як лiчбавiзацыя зменiць наша жыццё?

«Разумныя» гарады. Як лiчбавiзацыя зменiць наша жыццё?

Наступны этап — стварэнне разумных гарадоў.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.