Вы тут

Перад юбілейным канцэртам у Мінску Уладзімір Пугач даў «сольнік» у пінскай школе


Лідар вядомага гурта «J:Морс» наведаў сваю малую радзіму — Пінск, дзе даў бясплатны сольны канцэрт для вучняў і настаўнікаў у гімназіі № 2. Некалі гэта была сярэдняя школа № 5, дзе Уладзімір Пугач вучыўся і пачаў займацца музыкай. Таму не дзіўна, што на канцэрце прысутнічала яго класная кіраўніца Людміла Былінская і настаўнік фізікі, а таксама экс-дырэктар школы Ігар Каралінскі, які сышоў на пенсію толькі два гады таму — у 88-гадовым узросце!


«Адыграў сольнік проста ў актавай зале, дзе апошні раз выступаў у 1993 годзе, — падзяліўся музыкант у сваім „Інстаграме“. — Эмоцыі зашкальваюць!»

Як не раз зазначаў лідар гурта, да юбілейнай даты музыканты ставяцца «без пафасу і з самаіроніяй»: «20 гадоў — не нагода надзімаць шчокі ды прыкідвацца бронзавымі статуямі, а добрая нагода сустрэцца з тымі, хто слухаў нас у розныя гады, разам заспяваць любімыя песні, згадаць тыя, што даўно не гучалі на канцэртах, і паказаць зусім новыя». Гастрольны тур «20 гадоў. Палёт норм!», прымеркаваны да 20-годдзя калектыву, прайшоў ужо больш чым у 15 гарадах Беларусі і замежжа, прычым песні для юбілейных канцэртаў і адмысловага зборніка дапамаглі выбраць самі прыхільнікі — на старонках гурта ў сацыяльных сетках. Вялікі юбілейны канцэрт у Мінску адбудзецца 2 лістапада ў Prіme Hall (цана білетаў на яго — ад 40 да 80 рублёў), а далей у графіку — выступленні ў Віцебску, Наваполацку, Гомелі, Мазыры, Маскве, Гродне і Рэчыцы.

Вікторыя ЦЕЛЯШУК

Фота Дзмітрыя КАВАЛЕНІ

Выбар рэдакцыі

Грамадства

«Звязда» дапамагла ліквідаваць стыхійную паркоўку ў Магілёве

«Звязда» дапамагла ліквідаваць стыхійную паркоўку ў Магілёве

Увагу на праблеме завастрыў старшыня вулічнага камітэта гэтай мікразоны Аляксандр Пікуля. 

Грамадства

Прамянёвая тэрапія: новыя магчымасці і рызыкі

Прамянёвая тэрапія: новыя магчымасці і рызыкі

 Прамянёвая тэрапія можа выкарыстоўвацца як у спалучэнні з хірургіяй і хіміятэрапіяй, так і як самастойны метад лячэння.

Калейдаскоп

Вясёлыя гісторыі чытачоў

Вясёлыя гісторыі чытачоў

Старэнькі «Запарожац» (цяпер такіх машын і не відаць ужо) старанна пыліў па дарозе...

Грамадства

Антарктыда чакае беларусак. Але яны пакуль туды не імкнуцца

Антарктыда чакае беларусак. Але яны пакуль туды не імкнуцца

Дванаццатая беларуская антарктычная экспедыцыя адправілася на ледзяны кантынент.