Вы тут

Змяніліся правілы правядзення школьных алімпіяд


Па рашэнні Міністэрства адукацыі змяніліся правілы правядзення школьных алімпіяд. Цяпер падрыхтоўкай, захоўваннем і дастаўкай алімпіядных заданняў для трэцяга і чацвёртага (заключнага) этапаў рэспубліканскай алімпіяды зоймецца Рэспубліканскі інстытут кантролю ведаў (РІКВ).


РІКВ, у прыватнасці, будзе весці ўлік аўтараў, якія маюць вопыт у распрацоўцы алімпіядных заданняў, фарміраваць электронную базу такіх заданняў па кожным вучэбным прадмеце, заключаць дагаворы на іх распрацоўку. Распрацоўшчыкі, у сваю чаргу, абавязаны будуць забяспечыць канфідэнцыяльнасць алімпіядных заданняў і іх тэматыкі з моманту пачатку работы над імі.

Не пазней чым за месяц да пачатку адпаведнага этапу рэспубліканскай алімпіяды распрацоўшчыкі прадстаўляюць заданні ў РІКВ. Тут іх тыражуюць у адпаведнасці з заяўкамі, раскладваюць у пакеты і захоўваюць. Напярэдадні алімпіяды заданні дастаўляюцца фельд'егерскай сувяззю ва ўстановы адукацыі, якія вызначаны месцам яе правядзення, і захоўваюцца ў апячатаных памяшканнях (сейфах). Распячатваюцца яны прадстаўнікамі аргкамітэта адпаведнага этапу рэспубліканскай алімпіяды толькі ў прысутнасці яе ўдзельнікаў.

Фактычна цяпер на этапе распрацоўкі, тыражавання і дастаўкі матэрыялаў школьных алімпіяд будуць выкарыстоўвацца такія ж тэхналогіі, што прымяняюцца пры арганізацыі ў краіне цэнтралізаванага тэсціравання.

Нагадаем, што ў папярэднім навучальным годзе Міністэрства адукацыі ўстанавіла парушэнні ў правядзенні рэспубліканскай алімпіяды па геаграфіі. У прыватнасці, быў пацверджаны факт уцечкі інфармацыі пра алімпіядныя заданні заключнага этапу.

Надзея НІКАЛАЕВА

Прэв'ю: shkolnaiapora.ru

Выбар рэдакцыі

Культура

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

У Гродне падчас святкавання Дня Незалежнасцi прадстаўлены габелен, якi выткалi спецыяльна да 75-годдзя Вялiкай Перамогi. 

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.