Вы тут

Акт Люблінскай уніі выстаўляецца ў Мінску


Люблінскай уніі, супярэчлівай, але лёсавызначальнай для беларускай гісторыі падзеі, сёлета споўнілася 450 гадоў — з гэтай нагоды ў Нацыянальным гістарычным музеі ў Мінску была прадстаўлена рэканструкцыя эпахальнага дакумента, які змацаваў яе стварэнне, са збору Музея гісторыі Польшчы ў Варшаве. Экспазіцыя «Вольныя з вольнымі, роўныя з роўнымі», арганізаваная Польскім інстытутам у Мінску, была адкрыта 23 кастрычніка.


Арыгінал акта, запісаны на пергаменце і замацаваны 78 пячаткамі, захоўваецца ў польскім Галоўным архіве старажытных дакументаў і недаступны для шырокай грамадскасці, таму была створана яго рэстаўрацыйная копія.

Дакумент, падпісаны ў 1569 годзе, аб’яднаў Вялікае Княства Літоўскае і Каралеўства Польскае ў новае дзяржаўнае ўтварэнне — Рэч Паспалітую. У выніку трох падзелаў Рэчы Паспалітай унія была «скасаваная». Між іншым, акт быў падрыхтаваны ў двух экзэмплярах для абодвух бакоў, але падпісаны асобнік, прызначаны для Вялікага Княства Літоўскага, да сённяшняга часу не захаваўся.

«Люблінская унія — важная дата ў гісторыі не толькі Польшчы і Беларусі, але таксама Літвы і Украіны, — сказаў на адкрыцці выстаўкі дырэктар Музея гісторыі Польшчы Роберт Костра. — Адным з вынікаў дзеяння дакумента было ўсталяванне новых межаў паміж Каронай і Вялікім Княствам Літоўскім. У вялікай ступені яны сталі межамі ўжо сучаснай Беларусі, абазначыўшы тым самым асобную, адрозную ад іншых беларускую ідэнтычнасць».

Спадар Костра адзначыў таксама, што прадстаўленая копія акта Люблінскай уніі — вынік працы вялікай групы спецыялістаў — рэканструкцыя, якая паўтарае матэрыял і тэхналогію вырабу арыгінала, заняла каля двух гадоў. Пабачыць выстаўку «Вольныя з вольнымі, розныя з роўнымі» ў гістарычным музеі можна да 13 лістапада.

Сафія ПАЛЯНСКАЯ

Выбар рэдакцыі

Грамадства

Як i калi прыняць спадчыну, атрымаць яе i захаваць?

Як i калi прыняць спадчыну, атрымаць яе i захаваць?

Карэспандэнту «Звязды» дапамагалi разбiрацца спецыялiсты.

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.