Вы тут

Адкрытая алімпіяда па сусветнай эканоміцы стартуе ў БДУ


У гэтым годзе інтэлектуальнае спаборніцтва пройдзе ў чацвёрты раз, яго тэмай выбрана "Сусветная эканоміка ў "лічбе". Як паведамілі ў прэс-службе ВНУ, заяўкі на ўдзел у алімпіядзе прымаюцца па 3 лістапада. Завочны тур пройдзе з 4 па 17 лістапада, адборачны вочны (для студэнтаў) – 11 снежня.


Алімпіяда арганізуецца ў двух лігах: студэнцкай і школьнай. Да ўдзелу запрашаюцца студэнты 2-5 курсаў, магістранты, якія навучаюцца па эканамічных спецыяльнасцях ва ўніверсітэтах розных краін, а таксама навучэнцы 10-11 класаў беларускіх школ. Выступленні ацэняць ў камандным і індывідуальным заліках.

Праграма алімпіяды для студэнцкай лігі ўключае тры туры: два адборачныя і фінал. На старце ў індывідуальным заліку трэба будзе напісаць эсэ на зададзеную тэму, а для каманды прадугледжана рашэнне бізнес-кейса, прадастаўленага адным з генеральных партнёраў эканамічнага спаборніцтва. Рашэнне кейса выконваецца на рускай або англійскай мовах.

Вочны адборачны тур уключае тэставыя заданні і задачы па сусветнай эканоміцы. Студэнтам неабходна паказаць веды ў галіне міжнародных эканамічных адносін, менеджменту і маркетынгу; міжнародных інвестыцый; эканомікі замежных краін; эканамічнай тэорыі; мікраэканомікі; макраэканомікі; эканомікі арганізацыі; фінансавых рынкаў.

Фінал адбудзецца 12 снежня ў фармаце публічнага выступлення з прадстаўленнем раней рэшанага кейса. Тут ацэняць магчымасць рэалізацыі ідэй, іх арыгінальнасць, лагічнасць і паслядоўнасць, а таксама аратарскае майстэрства ўдзельнікаў.

Асобна пройдзе конкурс на веданне англійскай эканамічнага мовы, які прадугледжвае праверку разумення эканамічных тэкстаў, публічныя выступленні перад журы.

Школьная ліга ўключае два этапы: завочны адборачны і фінал. У першым туры неабходна рашыць крэатыўную бізнес-задачу, звязаную з міжнароднай эканамічнай дзейнасцю беларускіх кампаній. Лепшыя прапановы школьнікі прадставяць у фінале. У гэтым годзе дадаткова ў рамках завочнага тура старшакласнікі пройдуць анлайн-тэст на праверку ўзроўню фінансавай пісьменнасці і асноў эканомікі.

У рамках алімпіяды 10 снежня запланаваны сустрэчы і майстар-класы з прадстаўнікамі беларускіх арганізацый, дзейнасць якіх звязана з пытаннямі лічбавізацыі нацыянальнай і сусветнай эканомікі.

Пераможцаў алімпіяды ўзнагародзяць дыпломамі I, II і III ступені, а таксама каштоўнымі падарункамі. Акрамя таго, лепшыя студэнты змогуць прайсці стажыроўку ў вядучых эканамічных арганізацыях Беларусі, а школьнікі атрымаюць магчымасць наведаць “Школу будучага эканаміста-міжнародніка” на факультэце міжнародных адносін падчас веснавых канікул.

  • Арганізатарам алімпіяды выступіў факультэт міжнародных адносін БДУ пры падтрымцы Міністэрства замежных спраў Беларусі, Міністэрства эканомікі нашай краіны, Місіі Злучанага Каралеўства Вялікабрытаніі і Паўночнай Ірландыі ў Рэспубліцы Беларусь, Нацыянальнага Банка і Банка развіцця рэспублікі.
  • Генеральным партнёрам Студэнцкай лігі алімпіяды з'яўляецца Voka, Школьнай лігі -- Pepsi.
  • Партнёрамі алімпіяды таксама выступілі Альфа-Банк, Civitta Academy, BonGenie, Digital Unicorn, тураператар “Віаполь”, biblio.by, Анега, БизнесКнига VIP, E & Y.

Дадатковая інфармацыя і рэгістрацыя на сайце IV Адкрытай алімпіяды БДУ па сусветнай эканоміцы. 

Прэвъю: remadays.com

Сяргей РАСОЛЬКА

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.