Вы тут

Больш за 250 навучэнцаў Міншчыны прадставяць на конкурсе свае даследаванні


26 кастрычніка ў Мінскай вобласці пройдзе XXII конкурс работ даследчага характару (канферэнцыя) навучэнцаў устаноў адукацыі. У гэтым годзе на яго паступіла 736 работ ад навучэнцаў устаноў агульнай сярэдняй і прафесійнай адукацыі. Па рашэнні журы ў заключным туры спаборніцтваў будуць прадстаўлены 253 даследаванні. Арганізатарам мерапрыемства з’яўляецца галоўнае ўпраўленне па адукацыі Мінскага аблвыканкама.


Як паведамілі там, работа 19 секцый конкурсу будзе арганізавана на чатырох пляцоўках: у Мінскім абласным інстытуце развіцця адукацыі, Мінскім дзяржаўным абласным ліцэі, сярэдняй школе № 1 г. Фаніпаля Дзяржынскага раёна і Заслаўскай сярэдняй школе № 1 Мінскага раёна.

У склад журы конкурсу ўвайшлі дактары і кандыдаты навук, спецыялісты Нацыянальнай акадэміі навук Беларусі, Нацыянальнага інстытута адукацыі, Рэспубліканскага інстытута вышэйшай школы, прэстыжных айчынных ВНУ, абласнога інстытута развіцця адукацыі.

У конкурсе гэтага года прымаюць удзел і навучэнцы 5-7 класаў, для якіх арганізавана праца чатырох секцый: “Філалогія”, “Гісторыя. Краязнаўства”, “Фізіка-матэматычныя дысцыпліны”, “Прыродазнаўчыя дысцыпліны”. У працэсе падрыхтоўкі да мерапрыемства юныя навукоўцы вывучалі фінансавыя выдаткі і тэрміны іх акупнасці пры развядзенні азёрнай рыбы, рэактыўную ўстаноўку на растворах солі і цукру, каляровае ўспрыманне вершаў з дапамогай камп’ютарных алгарытмаў.

Хлопчыкаў і дзяўчынак старэй цікавілі цалкам дарослыя праблемы: кукуруза як крыніца аднаўляльнай энергіі, мікрафлора жытняга хлеба, асаблівасці канструкцыі велаэлектрамабіля, электронная кніга для невідушчых, мабільнае прыкладанне для стасункаў з глуханямымі. Старшакласнікі атрымалі экалагічна чыстае паліва, стварылі мабільнае прыкладанне для выхавання гукавой культуры мовы, спраектавалі кросплатформавы разумны дом. Увагу даследчыкаў прыцягнулі такія тэмы, як “Фізіка музычнай гармоніі”, “Мова - адзенне думак”, “Аўтамабілі Беларусі за 100 гадоў: ад першага да перспектыўнага”, “Прыватныя бібліятэкі як кніжныя помнікі Беларусі: крытэрыі, класіфікацыі, артэфакты” і інш .

З дапамогай анлайн-трансляцыі ўсе ахвотныя могуць прысутнічаць на пасяджэнні секцый “Біялогія”, “Геаграфія”, “Хімія”. Спасылка на трансляцыю будзе размешчана на сайце Мінскага абласнога інстытута развіцця адукацыі.

У вольны час удзельнікі конкурсу змогуць прыняць удзел у літаратурным квэсце, наведаць кніжную экспазіцыю і адкрытую лекцыю, здзейсніць экскурсію ў Цэнтр экалагічнага турызму "Станькава". Дзяцей чакаюць выступленні творчых калектываў, магчымасць зрабіць памятныя здымкі ў тэматычных фотазонах.

Пераможцы конкурсу прадставяць Мінскую вобласць на заключным этапе рэспубліканскага конкурсу ў 2020 годзе.

Сяргей РАСОЛЬКА

Прэв'ю: eduget.com

Выбар рэдакцыі

Грамадства

Магілёўская вобласць ушанавала лідараў уборачнай кампаніі

Магілёўская вобласць ушанавала лідараў уборачнай кампаніі

У Дзень работнікаў сельскай гаспадаркі і перапрацоўчай прамысловасці АПК.

Грамадства

Хворым на фенілкетанурыю могуць палепшыць забяспячэнне прадуктамі харчавання

Хворым на фенілкетанурыю могуць палепшыць забяспячэнне прадуктамі харчавання

Міністэрства аховы здароўя адказала на публікацыю «Звязды».