Вы тут

Дзядулева энцыклапедыя


Унікальную, сапраўды тытанічную працу правёў жыхар гарадскога пасёлка Бешанковічы Анатоль КРАЧКОЎСКІ, каб падрыхтаваць два тамы энцыклапедый пра свой раён. Першая энцыклапедыя называецца «Бешанковіччына», другая — «Памяць.


Ад старажытнасці да нашых дзён», над якімі былы супрацоўнік раённай газеты і дырэктар гісторыка-краязнаўчага музея працаваў амаль сорак гадоў, скрупулёзна вывучаючы рэдкія архіўныя дакументы, пісьмы і гістарычныя артыкулы. Анатоль Вячаслававіч, які сёння ўжо на пенсіі, называе сябе ўкладальнікам энцыклапедый, хоць на самай справе ён паўнавартасны аўтар, у тым ліку і дызайнер, і наборшчык, і стыліст-мовавед, і карэктар у адной асобе. Толькі ў энцыклапедыі «Памяць» налічваецца 709 каляровых старонак. Пакуль гэтыя кнігі існуюць толькі ў адным экзэмпляры — каб выдаць іх хоць невялікім накладам, патрэбны значныя сродкі.

На гэтым фота стваральнік энцыклапедычных фаліянтаў Анатоль Крачкоўскі паказвае свае рукапісы ўнучцы Альбіне Журко і яе сяброўцы Соні Пясецкай, далучаючы дзяўчынак да гісторыі роднага краю.

Анатоль КЛЯШЧУК

Фота аўтара

Выбар рэдакцыі

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.

Культура

Аляксандр Радзькоў. З кнігі «Мой фiзмат»

Аляксандр Радзькоў. З кнігі «Мой фiзмат»

Працягваем публікаваць урыўкі з кнігі.