Вы тут

У Мінску чалавек скраў аўтамабіль, каб уразіць дзяўчыну


Супрацоўнікамі аддзела крымінальнага вышуку Маскоўскага РУУС г. Мінска затрыманы 30-гадовы гараджанін, які скраў аўтамабіль БМВ-525 у свайго знаёмага.


Напярэдадні пацярпелы, вярнуўшыся з працы, прыпаркаваў аўто каля дома, а ключы, як звычайна, пакінуў на паліцы ў пярэднім пакоі. Увечары запрасіў у госці аднакласніка, якога не бачыў восем гадоў. Даўні знаёмы прыйшоў са сваёй сужыцелькай. Пасля сумеснага распівання спіртных напояў маладая пара пасварылася, пасля чаго дзяўчына пайшла. Знаёмаму прапанавалі застацца пераначаваць. Прачнуўшыся раніцай, пацярпелы выявіў адсутнасць сябра, а разам з ім і сваёй машыны.

Аператыўнікі высветлілі, што мужчына вырашыў скарыстацца выпадкам і з'ездзіць на чужым аўто да дзяўчыны, каб вырашыць канфлікт. Рухаючыся па вуліцы, мінчанін урэзаўся ў аўтамабіль і ўцёк з месца здарэння, паведамілі ў ГУУС Мінгарвыканкама. Устаноўлена, што раней ён быў судзімы за крадзяжы і крадзеж. Транспартны сродак быў вернуты ўладальніку.

Сяргей РАСОЛЬКА

Фота ў мініяцюры: capost.media

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.