Вы тут

Участковы прыбыў на сямейны скандал і ўбачыў у кватэры карціну з арсенала часоў ВАВ


Увечары ў Мазырcкі РАУС звярнулася мясцовая жыхарка. Яна паведаміла пра канфлікт са сваім сужыцелем ў адной з кватэр дома па бульвары Юнацтва.


Па прыбыцці на месца здарэння супрацоўнікаў чакаў незвычайны сюрпрыз. На сцяне вісела карціна, зробленая з частак зброі.

Як патлумачыў 43-гадовы мужчына, каля дзесяці гадоў таму ён выкапаў арсенал на прысядзібным участку, што каля станцыі Галевіцы Калінкавіцкага раёна. З затвора вінтоўкі, штыка, часткі ўдарна-спускавога механізму (як мяркуецца, ад вінтоўкі Мосіна), ствала вінтоўкі і ручной гранаты Ф-1 з запалам ён і зрабіў “твор мастацтва” і павесіў на сцяну. Для гэтага нават адпілаваў частку гранаты, каб было зручней мацаваць, паведамілі ва УУС Гомельскага аблвыканкама.

У кватэры таксама былі выяўлены каска часоў Вялікай Айчыннай вайны, патроны і гільза. Усе боепрыпасы канфіскаваны для правядзення экспертызы. Мазырскім РАУС па гэтым факце праводзіцца праверка.

Сяргей РАСОЛЬКА

Выбар рэдакцыі

Грамадства

​Дзе прызначалі спатканні ў даваенным Мінску?

​Дзе прызначалі спатканні ў даваенным Мінску?

Атрымаць падказкі вам дапаможа экскурсія «Рамантыка мінскіх дворыкаў».

Культура

Алесь Бадак: Важна знайсці перакладчыка, які цябе зразумее

Алесь Бадак: Важна знайсці перакладчыка, які цябе зразумее

Паэт і празаік Алесь Бадак шмат гадоў працаваў у літаратурных перыядычных выданнях Беларусі, а з 2015 года ўзначальвае выдавецтва «Мастацкая літаратура».