Вы тут

«Укун» раскрывае касмічныя таямніцы


Кітайскі спадарожнік вымяраў спектр пратонаў.


Кітайскі спадарожнік, які атрымаў назву «Укун» у гонар Цара малпаў (галоўнага героя класічнага кітайскага рамана «Падарожжа на Захад», які славіцца вострым зрокам), не толькі займаецца пошукамі нябачнай цёмнай матэрыі, але і даследуе паходжанне касмічных прамянёў, высокаэнергетычных часціц, якія распаўсюджваюцца ў космасе з хуткасцю, блізкай да хуткасці святла, перадае «Жэньмінь жыбаа» анлайн».

З дапамогай кітайскага касмічнага апарата па даследаванні часціц цёмнай матэрыі DAMPE (Dark Matter Particle Explorer), вядомага пад назвай «Укун», міжнародная даследчая група зрабіла дакладныя вымярэнні спектру пратонаў — найбольш распаўсюджанага кампанента касмічных прамянёў — у энергетычным дыяпазоне ад 40 ГэВ да 100 ТэВ /(адзін ТэВ складае за 1 трлн электрон-вольт (эв).

Па словах вядучага вучонага праекта DAMPE, начальніка абсерваторыі Цзыцзіньшань пры Акадэміі навук Кітая Чан Цзінь, вымераны спектр паказвае, што струмень пратонаў павялічваецца на ўзроўні сотняў мільярдаў эв, а затым памяншаецца прыкладна на ўзроўні 14 ТЭВ, што паказвае на наяўнасць новай спектральнай асаблівасці касмічных прамянёў. «Гэтае новае адкрыццё мае вялікае значэнне для таго, каб дапамагчы навукоўцам зразумець крыніцу і паскарэнне касмічных прамянёў у Млечным шляху», — сказаў Юань Цян, даследчык абсерваторыі Цзыцзіньшань пры Акадэміі навук Кітая.

Вынікі, заснаваныя на дадзеных, якія DAMPE сабраў за першыя два з паловай гады сваёй працы, апублікаваныя ў часопісе Science Advances.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».